Boxing: Valentin Ntabangayimana yitabiriye irushanwa ry’abato muri Arumeniya

  • SHEMA IVAN
  • Ugushyingo 23, 2023
  • Hashize amezi 6
Image

Valentin Ntabanganyimana ukina umukino w’iteramakofe ari kumwe n’umutoza we Jean Claude Gatorano berekeje muri Arumeniya ku mugoroba wo kuri uyu wa gatatu aho bagiye kwitabira irushanwa ry’Isi ry’abato ritangira kuri uyu wa 23 Ugushyingo kugeza ku ya 4 Ukuboza 2023.

Mbere yo guhaguruka mu Rwanda umutoza we Jean Claude Gatoramo yavuze ko bizeye itsinzi muri iyi mikino.

Yagize ati ‘’Tugiyeyo gutsinda, tugomba guhesha ishema igihugu cyacu. Iyi ni Shampiyona y’Isi kandi turashaka ko ibendera ry’u Rwanda rizamuka hejuru.

Twagize imyiteguro myiza, tubikesha Federasiyo y’Umukino w’Iteramakofe, Minisiteri ya Siporo na Komite Olempike. Nizeye ko tuzagaruka iwacu dufite umudari’’.

Ni ku nshuro ya Kabiri u Rwanda rugiye kwitabira imkino mpuzamahanga nyuma yo kwitabira irushanwa rya ‘Bingwa Wamabingwa’ yo muri Tanzaniya muri 2018.

Iri rushanwa ry’Isi ry’abato ryitabiriwe n’abakinnyi 448 baturutse mu bihugu 58 byo hirya no hino ku Isi.

Biteganyijwe ko umukino ufungura irushanwa uba kuri uyu wa Kane mu gihe umukino wa nyuma uzaba tariki 3 Ukuboza 2023.

  • SHEMA IVAN
  • Ugushyingo 23, 2023
  • Hashize amezi 6
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE