Ben Moussa yagizwe Umutoza mushya wa Police FC 

Umunya-Tunisia Abdessattar Ben Moussa watoje APR FC, yagizwe Umutoza mushya wa Police FC mu mwaka utaha w’imikino wa 2025/26.

Ibi byatangajwe n’iyi kipe ibinyujije ku mbuga nkoranyambaga zayo, kuri uyu wa Kabiri tariki ya 1 Nyakanga 2025.

Ben Mousa azungirizwa na Mutarambirwa Jabil nk’umutoza wungririje, Ddouki Mohamed ushizwe kongerera imbaraga abakinnyi na Ben Yahia Ahmed ushizwe Isesenguramashusho (Video Analyst).

Ben Moussa si mushya muri Shampiyona y’u Rwanda dore ko yamenyekanye cyane ahesha APR FC igikombe cya shampiyona 2022/23 nyuma y’aho Ikipe y’Ingabo z’Igihugu yirukanye Adil Mohammed wari Umutoza Mukuru wayo.

Nyuma yaho Mousa yerekeje muri AS Marsa y’iwabo muri Tunisia aho hagati ya Nzeri n’Ukuboza 2023 yayibereye umutoza naho mu mwaka w’imikino ushize agirwa Umuyobozi ushinzwe Umupira w’Amaguru mu ikipe.

Ben Mousa asimbuye Umutoza Mashami Vincent wari umaze imyaka itatu muri iyi kipe. 

Umwaka ushize w’imikino wa 2024/25, Police FC yasoreje ku mwanya wa kane muri shampiyona.