Beach Volleyball: Mamba VC yateguye irushanwa ry’isabukuru y’imyaka 15

  • NYIRANEZA JUDITH
  • Ukuboza 14, 2023
  • Hashize amezi 5
Image

Mu rwego rwo kwizihiza isabukuru y’imyaka 15 ikipe ya Mamba VC igizwe n’abahoze bakina umukino wa Volleyball mu Rwanda yateguye irushanwa rya Volleyball ikinwa ku mucanga “Beach Volleyball” rizaba tariki 16 na 17 Ukuboza 2023.

Iri rushanwa biteganyijwe ko rizabera Kimihurura kuri Mamba Club aho iyi kipe ifite icyicaro akaba ari naho ikorera ikinira imikino ya Beach Volleyball. Rikaba ryahawe insanganyamatsiko igira iti “For the Love of the Game” bisobanuye “Ku bw’urukundo rw’umukino”.

Perezida wa Mamba VC, Shingiro Christian yatangaje ko iyi kipe yatangiye muri 2008, ubu imyaka 15 ikaba ishize. Yakomeje avuga ko ubusanzwe iri rushanwa ryajyaga riba aho batumiraga abakanyujijeho bose ariko uyu mwaka bakaba barahisemo kuryagura hakanitabira abakinnyi babigize umwuga mu bagabo n’abagore.

Umunyamabanga Mukuru wa Mamba VC, Nzeyimana Dieudonne yagaragaje ko irushanwa muri rusange ryatangiye tariki 15 Ugushyingo 2023 aho bar bafite amakipe 16 yari agabanyije mu matsinda 4 aho yakinnye ubu hakaba hasigaye amakipe 4 agomba gukina imikino ya ½.

Mu babigize umwuga hateganyijwe amakipe 8, amakipe 4 mu bagabo n’andi 4 mu bagore  akazahera muri ½  aho imikino izaba tariki 16 Ukuboza 2023 naho taliki 17 Ukuboza 2023 habe imikino ya nyuma  habeho no gutanga ibihembo ku makipe abiri ya mbere.

Umunyamabanga Mukuru w’ishyirahamwe ry’umukino wa Volleyball mu Rwanda “FRVB”, Mucyo Philbert yashimiye Mamba VC yateguye irushanwa, avuga ko ryunganira ibikorwa bya FRVB.

Yakomeje avuga ko bakoranye mu gutegura abakinnyi basanzwe bakina kugira ngo bazitabire iri rushanwa.

Muri iyi minsi ibiri y’irushanwa, abazitabira bazinjirira ubuntu.

Perezida wa Mamba VC, Shingiro Christian
  • NYIRANEZA JUDITH
  • Ukuboza 14, 2023
  • Hashize amezi 5
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE