Basketball: Tigers na REG zageze ku mukino wa nyuma wa Rwanda Cup

Ikipe Tigers BBC na REG BBC zageze ku mukino wa nyuma wa Rwanda Cup 2025 iri gukinwa ku nshuro ya kabiri.

‎Iyi mikino ya ½ yabaye mu ijoro ryo ku wa Gatatu, muri Petit Stade Amahoro i Remera.

‎Tigers BBC yabigezeho isezereye APR BBC iyitsinze amanota 76-74. Ni mu gihe, REG BBC na yo yatsinze Kepler BBC amanota 75-58.

‎Umukino wa nyuma utegangijwe ku wa Gatanu, tariki ya 3 Ukwakira 2025, saa mbiri n’igice z’ijoro muri Petit Stade I Remera.

‎NI mu gihe APR BBC na Kepler BBC zizahatanira umwanya wa gatatu saa kumi n’ebyiri.

‎Ku nshuro ya mbere mu 2024, irushanwa rya Rwanda Cup ryegukanywe na APR BBC itsinze REG BBC amanota 110-92 ku mukino wa nyuma.

‎