Bafungiwe  guhindura imyaka y’abana 2 ngo bajye muri Academy ya Bayern Munich

Urwego rw’Igihugu rw’Ubugenzashyaha (RIB) rwataye muri yombi abagabo babiri bakekwaho guhindura imyaka y’abana 2 ngo bemererwe kujya ku rutonde rw’abazajya gutorezwa mu ishuri ryigisha umupira w’amaguru rya Bayern Munich.

Hashize iminsi hari inkuru zivuga ko hari abana benshi barenganye, ntibemererwe kujya mu irerero rya ruhago rya Bayern Munich.

Ababyeyi babo ndetse n’abo bana, bumvikanye mu itangazamakuru barira, bagaragaza ko barenganye.

Byavuzwe ko abo bana barenganyijwe ko bazizwa barengeje imyaka isabwa, mu gihe bo bavugaga ko atari byo ko ahubwo FERWAFA na Minisiteri ya Siporo bababujije amahirwe.

Abatawe muri yombi ni Leon Nisunzumuremyi umutoza w’abo bana babiri na Karorero Arstide Data Manager w’Umurenge wa Kinyinya.

Umwe mu bana bumvikanye cyane mu itangazamakuru ni uwitwa Iranzi Cedric wavugaga ko bamubujije amahirwe yo kujya gukomeza amasomo y’umupira w’amaguru yihebeye.

SHEMA IVAN