APR FC yatandukanye n’uwari Umunyamabanga Mukuru wayo

APR FC yatandukanye n’uwari Umunyamabanga Mukuru wayo Masabo Michel, wari umaze imyaka ibiri n’amezi 11 muri izi nshingano.

Tariki 8 Mutarama 2021 ni bwo APR FC yerekanye ku mugaragaro Masabo Michel nk’Umunyamabanga mushya icyo gihe wari usimbuye Lt (Rtd) Col Sylvestre Sekaramba.

Mu myaka ibiri Masabo yari amaze kuri uyu mwanya, yafashije APR FC kwegukana ibikombe bitatu bya Shampiyona byikurikiranye, anatuma iyi kipe ica agahigo ko kumara imikino 50 idatsindwa muri shampiyona.

Ikindi azibukirwaho ni uko mu gihe yari Umunyamabanga Mukuru wa APR FC yavuye kuri politiki yo gukinisha Abanyarwanda gusa isubira ku yo gukinisha abanyamahanga yaherukaga mu 2012.

Igihe Umunyamabanga Mukuru mushya uzasimbura Masabo Michel azatangarizwa ntikiramenyekana.

SHEMA IVAN