Amavubi yatangiye Umwiherero utegura Imikino ibiri ya gicuti (Amafoto)

  • SHEMA IVAN
  • Werurwe 11, 2024
  • Hashize ukwezi 1
Image

Ikipe y’igihugu y’umupira w’amaguru y’abagabo “Amavubi”, yatangiye Umwiherero yitegura imikino ibiri ya gicuti u Rwanda rufitanye na Madagascar na Botswana muri uku kwezi kwa Gatatu.

Mu gitondo cyo kuri uyu wa Mbere tariki 11 Werurwe 2024, ni bwo abakinnyi b’Ikipe y’Igihugu Amavubi biganjemo abakina imbere mu gihugu batangiye Umwiherero bitegura imikino ibiri ya gicuti harimo uwa Botswana tariki 22 Werurwe na Madagascar tariki 25 uku kwezi i Antananarivo.

Abakinnyi bahamagawe mu ikipe y’Igihugu Amavubi yitegura Madagascar na Botswana:

Abanyezamu: Ntwari Fiacre, Hakizimana Adolphe, Muhawenayo Gad na Wenseeens Maxime.

Ba myugariro: Omborenga Fitina, Akayezu Jean Bosco, Nsengiyumva Samuel, Bugingo Hakim, Niyomugabo Claude, Ishimwe Christian, Imanishimwe Emmanuel, Nsabimana Aimbale, Mutsinzi Ange, Manzi Thierry, Niyigena Clement, Mitima Isaac na Nshimiyimana Yunussu.

Abo hagati:  Bizimana Djihad, Iradukunda Siméon, Mugisha Bonheur, Byiringiro Lague, Ruboneka Jean Bosco, Niyibizi Ramadhan, Niyonzima Olivier, Rubanguka Steve, Kanamugire Roger, Byiringiro Lague, Sibomana Patrick, Tuyisenge Arsene na Kwitonda Alain. 

Ba rutahizamu: Mugenzi Bienvenue, Mugisha Gilbert, Iraguha Hadji, Sahabo Hakim, Muhire Kevin, Hakizimana Muhadjiri, Nshuti Innocent, Gitego Arthur na Biramahire Abeddy.

Biteganyijwe ko ikipe y’Igihugu izahaguruka mu Rwanda tariki 18 Werurwe 2024 yerekeza i Antananarivo muri Madagascar gukina iyi mikino ya gicuti ku matariki FIFA igenera amakipe y’ibihugu.

Imikino yombi u Rwanda ruzakina, izarufasha kwitegura iy’Umunsi wa gatatu n’uwa kane yo gushaka itike y’Igikombe cy’Isi cya 2026, aho Amavubi azasura Bénin na Lesotho muri Kamena uyu mwaka.

Nyuma y’imikino ibiri yakinwe mu Ugushyingo, u Rwanda ruyoboye Itsinda C n’amanota ane, Afurika y’Epfo ikurikiraho n’amanota atatu, Nigeria, Zimbabwe na Bénin zifite abiri naho Lesotho ikaza ku mwanya wa nyuma n’inota rimwe.

  • SHEMA IVAN
  • Werurwe 11, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE