Amavubi U-20: Cassa Mbungo yahamagaye abakinnyi 25 azakoresha muri CECAFA

Cassa Mbungo André usanzwe utoza Ikipe y’Igihugu y’Abagore, yagizwe Umutoza w’Amavubi U-20 mu bagabo anahamagara abakinnyi 25 azifashisha mu mikino ya CECAFA yo gushaka itike y’Igikombe cya Afurika izabera muri Tanzania.

Iri rushanwa riteganyijwe gukinwa guhera tariki ya 15 kugeza ku ya 25 Nzeri 2026 rikinirwe kuri Uhuru Stadium mu Mujyi wa Dar es Salaam.

Amavubi U-20 ari mu itsinda rya mbere ririmo ibihugu byo mu Karere bisanzwe bimenyerewe mu mikino y’abakuru nka Tanzania ifite igikombe giheruka mu 2024 na Ethiopia.

U Rwanda ruzatangira rukina na Tanzania tariki ya 15 Nzeri mbere yo gusoza bahura na Ethiopia tariki ya 17 Nzeri.

Amakipe atatu azaba aya mbere muri buri tsinda n’indi kipe imwe muri eshatu zabaye iza kabiri zizahita  zibona itike ya ½ mu gihe amakipe azagera ku mukino wa nyuma ari yo azahagararira aka Karere mu mikino y’Igikombe cya Afurika mu batarengeje imyaka 20 kizakinwa mu 2027.

Ubwo iri rushanwa riheruka gukinwa mu 2024, Amavubi U-20 yasezerewe atarenze amatsinda.

Urutonde rw’abakinnyi 25 bahamagawe

Abanyezamu ni Kabera Bonheur (Marines FC), Nsengumuremyi Alla (Mahembe FTC), Mugisha Claude (Gasogi United).

Ba myugariro barimo Ukwiyegukundwa Aloys (Motard FC), Igiraneza David (Police FC), Gisubizo Emmanuel (FC Bayern Munchen Academy), Tuyishime Kennedy (Mukura VS), Ishimwe Fredy (Tonny Academy), Cyusa Fiston (Police FC), Sheja Djibril (Tonny Academy) na Niyompamo Pacifique (Gasogi United).

Abakina hagati ni Nkundukuri Leon (Gasogi United), Mugisha Irene (AS Kigali), Byiringiro Thierry (Gasogi United), Taufick Manzi (Police FC), Ndungutse Assouman (APR FC), Nshimiyimana Celestin (Gorilla FC), Dushime Claude (Tonny Academy).

Ba rutahizamu bagizwe na Ishimwe Aimee Thierry (Gorilla FC), Uwineza Rene (Intare FC), Mutembe Paul (Police FC), Mugunga Daniel (Tonny Academy), Nshimiyimana Olivier (FC Bayern Munchen Academy), Nshimiyimana Obed (kiyovu Sports) na Hagenimana Eric (Marines).