Amakuru avugwa muri Rayon Sports na Gasogi united mbere yo guhura

  • SHEMA IVAN
  • Mutarama 11, 2024
  • Hashize amezi 2
Image

Rayon sports yagaruye umunye congo heritier Luvumbu n’Umunya Moroco Youssef Rharb mbere yo guhura na Gasogi United mu mukino w’umunsi wa 16 wa Shampiyona uzabera kuri Kigali Pelé Stadium ku wa Gatanu, tariki ya 12 Mutarama 2024.

Nyuma y’ukwezi kumwe shampiyona idakinwa kubera ikiruhuko cy’iminsi mikuru, mu mpera z’iki cyumweru iragaruka hakinwa imikino yo kwishyura. 

Umwe mu mikino itegerejwe n’abakunzi b’umupira w’amaguru ni uwo Rayon sports izakiramo Gasogi united kuri uyu wa Gatanu, kuri Kigali Pele stadium saa kumi n’ebyiri.

Amakuru meza avugwa muri Rayon sports ni igaruka ry’Umunye-Congo Nzinga Luvumbu Héritier n’Umunya-Maroc Youssef Rharb, bombi bakoze imyitozo ku wa Gatatu nyuma yo kuva mu biruhuko by’iminsi mikuru.

Gusa, iyi kipe iracyategereje abakinnyi batatu b’Abanya Uganda; Umunyezamu Simon Tamale na ba Rutahizamu Joackiam Ojera na Charles Bbaale bagiye iwabo mu biruhuko by’iminsi mikuru ariko bakaba bataragaruka mu Rwanda.

Ngabo Robben ushinzwe Itumanaho n’Itangazamakuru muri Rayon Sports, yatangarije Radio Rwanda ko nta makuru bafite kuri aba bakinnyi.

Yagize ati: “Duheruka kuvugana na bo ku wa Kabiri batubwira ko bagiye kuza, ariko kugeza ubu barabuze. Nta yandi makuru tubafiteho.”

Iyi kipe kandi yagaruye abarimo Nsabimana Aimable na Mitima Isaac batakinnye imikino iheruka kubera imvune, n’abasinyishije ba rutahizamu batatu barimo Alon Paul Gomis, Aggo camara n’Umunyezamu w’Umunya Sénégal, Khadime Ndiaye, bombi babonye ibyangombwa bibemerera gukina.

Rayon Sports igiye gusubukura imikino yo kwishyura ya Shampiyona itaratangaza umutoza uzafatanya na Mohamed Wade mu gihe kandi itarabona umusimbura wa Samuel Mujabi Kawalya watozaga abanyezamu, wirukanywe ku wa Mbere.

Iyi kipe yasoje imikino iri ku mwanya wa kane n’amanota wa 27

Ku ruhande rwa Gasogi united yasoje imikino ibanza iri ku mwanya wa munani n’amanota 18, yashyizemo abakinnyi bashya barimo Umurundi Adolphe Hakizimana wavuye muri Musongati FC, mu gihe yatandukanye n’abarimo Ishimwe Kevin na Kwizera Aimable.

Umukino ubanza Rayon sports yatsinze Gasogi united ibitego 2-1

  • SHEMA IVAN
  • Mutarama 11, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE