Abiga mu Ishuri Rikuru rya RDF bari mu rugendoshuri ku mateka y’urugamba rwo kubohora Igihugu

Abanyeshuri biga mu Ishuri Rikuru ry’Ingabo z’u Rwanda (Rwanda Defence Force Senior Command and Staff Course), batangiye urugendoshuri ku mateka y’Urugamba rwo Kubohora Igihugu rwakozwe n’izahoze ari ingabo za RPA Inkotanyi.

Iyi gahunda yatangiye ku wa Gatatu tariki ya 22 Mata, igamije kurushaho kubongerera ubumenyi ku buryo ingabo za RPA zabohoye u Rwanda zirukana ubuyobozi bubi ndetse zigahagarika Jenoside yakorewe Abatutsi mu 1994.

Urwo rugendoshuri rwatangiriye ku mupaka wa Kagitumba, aho abarwitabiriye bahawe ibiganiro n’abajenerali ndetse n’abayobozi bakuru mu ngabo z’u Rwanda bagize uruhare rutaziguye mu rugamba rwo kubohora igihugu.

Uru rugendo rufasha abanyeshuri gusobanukirwa neza igenamigambi rya gisirikare n’imikorere y’ibikorwa bya gisirikare.