Kuri uyu wa Kabiri, Igisirikare cya Isiraheli cyatangaje ko umubare w’ imirambo y’abarwanyi ba Hamas yagaragaye ku butaka bwa Isiraheli umaze kugera ku 1 500, nyuma y’igitero yagabye mu gitondo cyo ku wa Gatandatu taliki ya 7 Ukwakira.
Mu gitondo cyo kuri uyu wa Kabiri, Indege z’intambara za Isiraheli zasutse ibisasu bya rutura muri Gaza, bituma umubare w’abari guhitanwa n’intambara ukomeza kwiyongera ukagera ku 1600, ku mpande zombi harimo abarenga 900 biciwe muri Isiraheli na 700 bo muri Gaza.
Igisirikare cya Isiraheli kandi cyavuguruye icyifuzo cy’umwe mu bavugizi bacyo kivuga ko umupaka Abanyapalestine bambukiyeho bahunga ibitero by’indege bava mu gace ka Gaza berekeza mu Misiri ufungwa.
Lt. Col. Richard Hecht aganira n’abanyamakuru yavuze ko agira inama impunzi z’Abanyapalesitina “gusohoka” banyuze mu muhanda wa Rafah ku mupaka wa Gaza uherereye mu Majyepfo na Misiri.
Umuvugizi Mukuru w’ingabo za Isiraheli, yatangaje ko Isiraheli yongeye kugenzura uruzitiro rw’umupaka wa Gaza rwaciwe n’abantu bitwaje intwaroba Palesitine basize havanyweho na za bariyeri.
Umuvugizi wa IDF, Daniel Hagari mui jambo rye ryanyujijwe kuri Radiyo y’Ingabo za Isiraheli, yavuze ko kuva ku wa Mbere nta barwanyi bashya baturutse muri Gaza.
Igipolisi cya Ostralia cyo cyatangaje ko barimo gukora iperereza ku myigaragambyo yabereye hanze y’inzu mberabyombi ya Opera mu Mujyi wa Sydney ishyigikiye Abanyapalesitina, nyuma y’amashusho yagaragaye y’itsinda ryigaragambya.
Ku mugoroba wo ku wa Mbere, abagera ku 1.000 bashyigikiye Palesitina banyuze mu mujyi wa Sydney bafite amabendera ari mu mabara ya Isiraheli berekeza mu nzu mberabyombi ya Opera, nyuma y’ibitero byo ku wa Gatandatu byagabwe na Hamas kuri Isiraheli.
KAMALIZA AGNES
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE