Abanyamakuru 47 muri Afurika yo munsi y’ubutayu bwa Sahara barafunzwe

  • ZIGAMA THEONESTE
  • Mutarama 24, 2024
  • Hashize ukwezi 1
Image

Raporo ya Komite mpuzamahanga ishinzwe kurengera abanyamakuru (CPJ) yasohoye Raporo, igaragaza ko abanyamakuru bafunzwe muri Afurika yo munsi y’ubutayu bwa Sahara, bakomeje kwiyongera aho bavuye kuri 31 bari bafunzwe muri 2022 bagera kuri 47 mu mpera za 2023.

Ni imibare yatangajwe kuri uyu wa Gatatu tariki ya 24 Mutarama 2024, muri raporo yakozwe muri Afurika y’ubutayu bwa Sahara.

Ikinyamakuru Africa News cyanditse ko CPJ ishyira igihugu cya Eritrea ku mwanya wa mbere mu guhonyora uburenganzira bwo gutanga ibitekerezo binyuze mu itangazamkuru ku mugabane wose w’Afurika.

Iyo raporo igaragaza ko Eritrea yataye muri yombi abagera kuri 16.

CPJ ishyira Eritereya ku isonga mu bihugu biniga ubwisanzure bw’itangazamakuru muri Afurika, abanyamakuru 16 bakaba bafunzwe.

Ni igihugu gifite umwanya wa karindwi ku Isi mu kugira imanza zimaze igihe kinini z’abanyamakuru bafunzwe nta cyaha baregwa.

Raporo ya CPJ yerekana ko Ethiopia ikurikiraho aho ifite  abanyamakuru  8 bayo  bafunzwe, na Cameroun ifite  6 bafunzwe.

Nk’uko iyi raporo ibigaragaza, umubare w’abanyamakuru ba Ethiopia bafunzwe ugaragaza ko imikorere y’itangazamakuru ibangamiwe cyane mu bihugu by’Afurika y’Iburasirazuba.

Mu gihugu cya Repubulika Iharanira Demokarasi ya Congo na ho havugwa ubugizi bwa nabi bwibasira abanyamakuru by’umwihariko CPJ igaruka ku munyamakuru Bujakera Stanis Tshiamala ufungiwe muri gereza ya Makala muri Kinshasa izwiho gukorerwamo iyicarubozo.

  • ZIGAMA THEONESTE
  • Mutarama 24, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE