Basketball: Ingimbi n’Abangavu batarengeje imyaka 18 berekeje muri Afurika y’Epfo

Amakipe y’Igihugu y’u Rwanda y’Abatarengeje imyaka 18 mu bahungu n’abakobwa muri Basketball yerekeje i Pretoria muri Afurika y’Epfo gukina igikombe cy’Afurika kizatangira tariki 1 kugeza 14 Nzeri 2024.

Mu gitondo cyo kuri uyu wa Gatanu tariki 30 Kanama 2024, ni bwo abakinnyi b’amakipe y’igihugu mu bahungu n’abakobwa bari kumwe n’abatoza babo bahagurutse mu Rwanda berekeza muri Afurika y’Epfo.

Mu bahungu, u Rwanda rwisanze mu itsinda rya gatatu hamwe n’Afurika y’Epfo, Maroc na Zambia. Itsinda rya kabiri ririmo Misiri, Angola, Uganda na Nigeria, mu gihe irya mbere rigizwe na Mali, Cameroun, Côte d’Ivoire na Sénégal.

Mu bakobwa, u Rwanda ruri mu itsinda rya mbere hamwe n’Afurika y’Epfo, Tunisie na Cameroun. Irya kabiri ririmo Mali, Maroc, Zambia na Angola, mu gihe irya mbere rigizwe na Misiri, Zimbabwe, Uganda na Nigeria.

Iyi mikino izitabirwa n’ibihugu 12, amakipe azaba abiri ya mbere azabona itike yo kuzahagararira Umugabane w’Afurika mu mikino y’igikombe cy’Isi cy’abatarengeje imyaka 19 “FIBA U19 Basketball World Cup”, kizabera i Lausanne mu Busuwisi, muri Kamena 2025.