Cricket: Ikipe y’u Rwanda yatsinze umukino wa kabiri

Rwanda 72-71 Sierra Leone

Gambia 43-149 Ghana

Taliki 01-04-2022

Nigeria-Ghana

Rwanda-Gambia

Kuri uyu wa Gatatu taliki 30 Werurwe 2022 hakinwe imikino y’umunsi wa 3 mu irushanwa mpuzamahanga ry’umukino wa Cricket mu bagore ryateguwe n’ishyirahamwe ry’umukino wa Cricket muri Nigeria  “NCF Women’s T20 International Tournament 2022”.

Ikipe y’u Rwanda yitwaye neza itsinda Sierra Leone akaba ari umukino wa kabiri iyi kipe yari itsinze nyuma yo gutsinda ku munsi wa mbere ikipe ya Ghana.

Muri uyu mukino, ikipe ya Sierra Leone ni yo yatangiye ikubita agapira « Batting » ishaka amanota maze mu dupira 120 “Overs 20” ikora amanota 71.

Ikipe y’u Rwanda kugira ngo yegukane intsinzi yasabwaga gutsinda amanota 72. Mu dupira 71 “Overs 11.5” yatsinze amanota 72 yegukana intsinzi.

Umukinnyi w’u Rwanda, Ishimwe Gisele  ni we wabaye umukinnyi witwaye neza  mu mukino.

Undi mukino wabaye, ikipe ya Ghana yatsinze ikipe ya Gambia. Ikipe ya Ghana yakoze amanota 149 mu dupira 120 “Overs 20”. Ikipe ya Gambia yasabwaga amanota 150  nta bwo byayihiriye kuko mu dupira 66 (Overs 11) yakoze amanota 43.

Its first victory for @CricketGhana in three matches as they beat the Gambia by 106 runs. Ghana won the toss and opted to bat, scoring 149 runs for the loss of 6 in 20 overs. Gambia went in to chase in the second innings, scoring 43, all out in 11 overs. pic.twitter.com/oNve9WtxV5

— Nigeria Invitational 2022 (@NigeriaWT20I) March 30, 2022

Nyuma y’umunsi w’ikiruhuko kuri uyu wa Kane taliki 31 Werurwe 2022, imikino izakomeza taliki 01 Mata 2022 aho ikipe y’u Rwanda izakina  na Gambia naho ikipe ya Nigeria ikine na Ghana.

Iri rushanwa mpuzamahanga ririmo kubera muri Nigeria ryitabiriwe n’amakipe 5 ari yo Nigeria, Ghana, Sierra Leone, u Rwanda na Gambia. Biteganyijwe ko rizasozwa taliki 03 Mata 2022.