Ray J. yajyanwe kwa muganga igitaraganya

Ray J. yajyanwe kwa muganga igitaraganya

Umuhanzi akaba n’umukinnyi wa filime w’Umunyamerika, Ray J. yongeye kujyanwa mu bitaro nyuma yo kugira ikibazo ubwo yari ari mu kiganiro yatambutsaga mu buryo bwa ‘Live’.

Ni ikiganiro yakoraga ku mugoroba w’itariki 1 Ukwakira 2026, aho yakoraga kimwe mu biganiro yise yise ‘Rayhab’ amaze iminsi akora aho yari yatangaje ko ateganya kubikora mu minsi 180, icyakora byaje kugenda nabi aremba bitunguranye abo bari kumwe bamwihutana kwa muganga ikiganiro kitarangiye.

Mu mashusho yakwirakwijwe ku mbuga nkoranyambaga zitandukanye mu ijoro ry’itariki 01 Ukwakira agaragaza Ray J. aryamye, nta mwambaro wo hejuru afite, afite ibyuma by’ubuvuzi byometse ku gituza mbere y’uko ajyanwa kwa muganga, ari kumwe n’abantu batandukanye barimo na Nyina, Sonja Norwood.

Ikinyamakuru TMZ cyatangaje ko Ray J. yagize ikibazo cy’uburwayi bw’umutima nubwo abaganga bari batarabyemeza ariko bakavuga ko amaze igihe ahanganye n’indwara z’umutima.

Ray J. amaze igihe ahanganye n’ibibazo by’ubuzima kuko muri Mutarama 2026, yari yarajyanywe mu bitaro i Las Vegas kubera umusonga n’ububabare bwo mu gituza. 

Nyuma yaho avuga ko abaganga bamubwiye ko umutima we wari ufite ubushobozi bwo gusunika amaraso bwari ku gipimo cya 25% gusa. 

Nyuma y’aho Ray J. yongeye kujyanwa mu bitaro muri Gicurasi 2026, Nyuma yo gukubitwa hasi mu mukino wari wahuje ibyamamare yahuriyemo na ‘Supa Hot Fire’.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19
  2. Kayonza: Abajyanama b’Akarere batowe biyemeje guhangana n’ibidindiza iterambere ry’imiryango 21 Ugushyingo 2026 Saa 22:03
  3. Rayon Sports yanganyije na APR FC 21 Ugushyingo 2026 Saa 21:25
  4. Musanze: Bifashishije ibimene by’amacupa bakora amakaro biteza imbere 21 Ugushyingo 2026 Saa 18:26
  5. Abiga mu Ishuri Rikuru rya Gisirikare basuye Akarere ka Nyagatare 21 Ugushyingo 2026 Saa 18:15