Amavubi U23 yahamagawe abazakoreshwa mu gushaka itike y’Igikombe cya Afurika

Umutoza Mukuru w’Ikipe y’Igihugu y’u Rwanda y’Abatarengeje imyaka 23, Nshimiyimana Eric yahamagaye abakinnyi bazifashishwa mu mukino wo gushaka itike y’Igikombe cya Afurika, barimo barindwi bakina mu makipe yo hanze y’u Rwanda.

Ni urutonde rwashyizwe hanze n’Ishyirahamwe ry’Umupira w’Amaguru mu Rwanda (FERWAFA) ku wa Kabiri, tariki ya 8 Nzeri 2026. 

Abakinnyi bahamagawe bazakina mu izamu ni Iradukunda Moria (Police FC), Bigirimana Hugo (La Chaux De Fonds) na Nshimiyimukiza Jean Claude (Intare FC).

Abakina mu bwugarizi ni Judah Fisher (Sacramento FC), Iyabivuze Fabrice (Gasogi Utd), Ndayishimiye Angelo (Intare FC) na Niyigena Abdul (Police FC).

Abakinnyi bakina mu mpande ni Musabyimana Thierry (ESM Gonfreville l’ocher), Ntwari Asmani (Kiyovu SC), Kanamugire Arsene (Gasogi Utd), Iradukunda Elie (Rayon Sports), Sindi Jesus (Marine FC), Niyonzima Abidal (APR FC), Bagabo Enzo (Beerschot), Mumvaneza Tumusifu (APR FC), Gihozo David (APR FC), Muhoza Daniel (Rayon Sports) na Kamanzi Elior (Celta Vigo).

Abakina mu kibuga hagati ni Kayibanda Claude (Bedford Town), Ndayishimiye Didier (Rayon Sports), Hoziana Kenedy (Kigali FC), Sultan Bobo (Marine FC), Niyo David (NK Veres Rivine) na Byishimo Valua (Police FC)

Ba rutahizamu ni Niyonshuti (Imanzi FC), Byiringiro Honore (Muhanga FC), Byiringiro Onesmos (Kigali FC) na Yangiriyeneza Erirohe (Tony Academy).

Muri rusange Rayon Sports, Police FC na APR FC zifitemo batatu, Gasogi United, Intare, Marine na Kigali FC zikagiramo babiri. Andi makipe afitemo umukinnyi umwe.

Umukino wa mbere uzahuza u Rwanda na Sudani mu gushaka itike y’Igikombe cya Afurika cy’Abataregeje imyaka 23 kizaba mu 2027, uteganyijwe tariki ya 20 Nzeri, mu gihe undi uzaba ku wa 6 Ukwakira 2026.

Iri rushanwa ritegangijwe gukinirwamu  Misiri mu kwezi k’Ugushyingo k’umwaka wa 2027.