Cadeaux de Dieu Furaha yerekeje muri REG BBC

Cadeaux de Dieu Furaha wakiniraga Patriots BBC yerekeje muri REG BBC yasinyiye amasezerano y’imyaka ibiri.

Uyu mukinnyi w’imyaka 26 yari amaze umwaka muri Patriots BBC, akaba yari umwe mu nkingi za mwamba zafashije iyi kipe gusoreza ku mwanya wa kane muri Shampiyona iheruka.

Furaha abaye umukinnyi wa gatatu utandukanye muri Patriots nyuma Steven Hagumintwari na Frank Kamndoh berekeje muri Tiger BBC.

REG BBC yegukanye umwanya wa kabiri muri shampiyona iheruka, yatangiye kwitegura umwaka w’imikino wa 2026 uzatangira tariki ya 24 Mutarama 2026.