APR BBC na REG WBBC zegukanye Igikombe cyo Kwibuka muri Basketball

Ikipe ya APR BBC mu bagabo na REG WBBC mu bagore, zegukanye irushanwa ryo Kwibuka ku nshuro ya 31 abakinnyi, abatoza n’abakunzi b’Umukino wa Basketball bazize Jenoside yakorewe Abatutsi mu 1994.

Irushanwa ryari rimaze iminsi itatu rikinwa ryasojwe ku Cyumweru tariki ya 27 Mata 2025 muri Petit Stade i Remera.

Muri uyu mwaka ryitabiriwe n’amakipe atandatu mu bagabo n’andi atandatu mu bagore.

Mu bagabo, APR BBC yisubije igikombe nyuma yo gutsinda UGB amanota 94-92 .

Ikipe y’Ingabo z’Igihugu yatsinze agace ka mbere ku manota 20-16, naho UGB itsinda aka kabiri ku manota 18-17 (34-37). 

APR yongeye gutsinda agace ka gatatu ku manota 30-29 (67-63) mu gihe aka kane katsinzwe na UGB ku manota 29-27. Muri Rusange umukino warangiye APR BBC itsinze UGB amanota 94-92.

Umunya-Ghana Amotoe James Kofi ukinira UGB ni we watsinze amanota menshi (26) muri uyu mukino.

Umukinnyi Wahize abandi mu irushanwa ( MVP) yabaye Chasson Randle wa APR BBC.

Umwanya wa gatatu wegukanywe na Dar City itsinze KPA amanota 68-65.

Mu bagore, irushanwa ryegukanywe na REG WBBC itsinze JKL Lady Dolphins yo muri Uganda amanota 65-61.

Ni mu gihe umwanya wa gatatu wegukanywe na KPA WBBC itsinze APR WBBC amanota 72-58.