USA: Uwitwa Rwanda Hill arashakishwa akekwaho gutunga intwaro

  • KAYITARE JEAN PAUL
  • Mutarama 26, 2024
  • Hashize ukwezi 1
Image

Polisi ikorera mu Mujyi wa Colombus muri Leta ya Georgia muri Leta Zunze Ubumwe z’Amerika (USA), irashakisha umugore witwa Rwanda Hill w’imyaka 35 ukekwaho kugira uruhare mu bwicanyi bwakorewe muri Karitsiye ya Fleming.

Polisi irasaba abaturage bo muri uwo mujyi wa Columbus kuyifasha gutanga amakuru igihe baba babonye uwo mugore watunguye benshi mu Rwanda kubera uburyo yitiranwa n’Igihugu cyabo.

Nk’uko bitangazwa na Polisi y’icyo gihugu, uwo mugore arakekwaho kuba atunze imbunda bityo abantu bose bakwiye kumwitondera kuko ateje inkeke.

Ku gicamunsi cyo ku wa Gatatu tariki ya 24 Mutarama 2024, ahagana saa cyenda n’iminota 13, ni bwo habayeho kurasa maze abapolisi bahita boherezwa aho bibereye.

Bakigera aho byabereye, babonye umugore w’imyaka 48 witwa Lacoya Whittlesey, ari hasi yapfuye afite n’igikomere cy’isasu.

Polisi ya Colombus ivuga ko iperereza ry’ibanze ryagaragaje ko Rwanda Hill ari we wahise akekwa ndetse yari yamaze gutoroka yagiye.

  • KAYITARE JEAN PAUL
  • Mutarama 26, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE