Athletisme: Abazahagararira u Rwanda muri KPM 2022 bakomeje imyiteguro

Athletisme: Abazahagararira u Rwanda muri KPM 2022 bakomeje imyiteguro

Taliki 29 Gicurasi 2022  hateganyijwe  isiganwa rya Marato Mpuzamahanga yitiriwe Amahoro ku nshuro ya 17  “Kigali International Peace Marathon 2022”.

Abakinnyi bazahagararira u Rwanda kuva taliki 03 Gicurasi 2022 bari i Musanze mu kigo cy’imyitozo cy’umukino w’amagare mu Rwanda “ARCC” aho bari mu mwiherero bakora n’imyitozo bakazayisoza 22 Gicurasi 2022 bakagaruka i Kigali kugira ngo bimenyereze inzira Marato Mpuzamahanga yitiriwe Amahoro izanyuramo.

Abakinnyi bazahagararira u Rwanda

Aba bakinnyi 17 batoranyijwe mu makipe 6 arimo Police AC, Sina Gerard AC, MCAC, NAS, APR AC na Nyamasheke AC.

Mu cyiciro cya Marato (42km) mu bagabo hari  Gakuru David, Nizeyimana Alexis (Police AC) na Habakurama Frederic (Nyamasheke AC). Mu  gice cya Marato “21 km” hari Mutabazi Emmanuel, Nzayisenga (Police AC), Uwimana Felix , Dusingizimana Modeste, Manirafasha Primier (Sina Gerard AC), Kajuga Robert (MCAC) na Sebahire Eric (APR AC).

Mu bagore bazasiganwa muri Marato (42 km) hari Mukandanga Clemantine (NAS) naho mu bazasiganwa igice cya Marato (21 km) hari Yankulije Marthe (Nyamasheke AC), Musabyeyezu Adeline (APR AC), Izabayo Emelyne (Sina Gerard AC), Niyirora Primitive, Uwambajimana Jeannette (Sina Gerard AC) na Uwizeyimana Jeanne Gentille (Police AC).

Aba bakinnyi bari kumwa  n’umutoza mukuru , Gasaga Audace, umutoza wungirije,  Kanyabugoyi Anicet n’umuganga,  Niyonzima Thaddée.         

Iri rushanwa ubwo riheruka, Nimubona Yves na Yankurije Marthe  bitwaye neza begukana  umudari wa zahabu mu gusiganwa igice cya Marato. Uyu mwaka ariko Nimubona Yves nta bwo azitabira.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  2. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19
  3. Kayonza: Abajyanama b’Akarere batowe biyemeje guhangana n’ibidindiza iterambere ry’imiryango 21 Ugushyingo 2026 Saa 22:03
  4. Rayon Sports yanganyije na APR FC 21 Ugushyingo 2026 Saa 21:25
  5. Musanze: Bifashishije ibimene by’amacupa bakora amakaro biteza imbere 21 Ugushyingo 2026 Saa 18:26