Gisagara: Hagiye gutangizwa irerero muri gahunda yo kuzamura impano z’abana muri Volleyball

  • NTAWITONDA JEAN CLAUDE
  • Werurwe 25, 2022
  • Hashize imyaka 2
Image

Mu mpera z’iki cyumweru taliki 26 na 27 Werurwe 2022 mu Karere ka Gisagara hateganyijwe irushanwa  ryo gufungura ku mugaragaro irerero ry’umukino wa Volleyball “Gisagara Volleyball Academy”

Iri rerero rikaba rije muri gahunda yo kuzamura impano z’abana rizaba rishingiye cyane ku bana biga mu mashuri abanza n’ayisumbuye aho bazaba bari mu ikipe y’abato ya Gisagara VC .

Imikino iteganyijwe muri iyi gahunda yo gutangiza irerero mu Karere ka Gisagara izitabirwa n’amakipe ari mu byiciro bitandukanye aho mu cyiciro cya mbere mu bagabo “Serie A” hari  UVC na Gisagara  VC. Mu bagore hari RRA VC, Ruhango VC na UR Gikondo.

Mu makipe  y’icyiciro cya kabiri “Serie B” hari Christ Roi, GSO Butare, Petit Seminaire Virgo Fidelis, GS Mugombwa, Gisagara Volleyball Academy, UR Nyarugenge na Gitisi TVET School.

Mu makipe y’amashuri mu cyiciro rusange “O’level” mu bahungu hari GS Mugombwa, GS St Phil Neri, GS Gikonko Catholic na GS FA Kansi. Mu bakobwa hari  GS Gikonko Catholic, GS St Phil Neri , GS Gikore na GS Mugombwa.

Mu cyiciro cy’amashuri abanza mu bahungu hari GS Mugombwa , GS Gikore  na GS Gisagara naho mu bakobwa hari  GS Gikore, GS Mugombwa,GS Gikonko Catholic  na GS Gisagara.

Iri rushanwa kandi rizagaragaramo amakipe y’abakanyujijeho “Veterans” ahazitabira amakipe  Unity (Kirehe), Umucyo (Huye) na Giheka.

Iri rushanwa ryateguwe n’Akarere ka Gisagara mu bufatanye n’Ishyirahamwe ry’imikino mu  mashuri ryo mu karere ka Gisagara.

  • NTAWITONDA JEAN CLAUDE
  • Werurwe 25, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE