U Rwanda rwahawe kwakira CECAFA Kagame Cup mu 2027 na 2028

Impuzamashyirahamwe y’Umupira w’Amaguru muri Afurika y’Iburasirazuba no Hagati (CECAFA) yemeje ko u Rwanda rwahawe kongera kwakira irushanwa rya CECAFA Kagame Cup rihuza amakipe yitwaye neza mu mwaka wa 2027 na 2028 muri shampiyona z’ibihugu byo muri ako Karere ka Afurika.

Ni umwanzuro watangajwe n’Akanama ka CECAFA ku wa Kabiri, tariki ya 11 Kamana 2026, aho itangazo kasohoye ryagaragaje ko iryo shyirahamwe ryishimiye

Rigira riti: “Nyuma yo kugenda neza kw’irushanwa rya CECAFA Kagame Cup 2026, Ishyirahamwe ry’Umupira w’Amaguru mu Rwanda (FERWAFA), ryasabye ko ryakwakira andi marushanwa abiri akurikira.”

“Ihagarariwe na Perezida, Paulos Weldehaimanot Andemariam, Inama ya Komite Nyobozi ya yahaye uburenganzira u Rwanda bwo kwakira irushanwa rya 2027 na 2028.”

Rayon Sports ni yo iheruka kwegukana Igikombe cya CECAFA Kagame Cup, nyuma yo gutsinda Gor Mahia ibitego 2-1 mu mukino wa nyuma wabereye kuri Stade Amahoro tariki ya 7 Kanama 2026.

Iri rushanwa riterwa inkunga na Perezida wa Repubulika y’u Rwanda Paul Kagame, kuva mu mwaka wa 2002.

Amashyirahamwe ya Ruhago agize CECAFA ni irya Kenya, Uganda, Tanzania, Sudani y’Epfo, Sudani, Ethiopia, Eritrea, Zanzibar, Somalia, u Rwanda, u Burundi na Djibouti.