U Buhinde: Narendra Modi yahamagariye AU kwinjira muri G20

  • Imvaho Nshya
  • Kanama 28, 2023
  • Hashize amezi 9
Image

Minisitiri w’Intebe w’u Buhinde Narendra Modi yahamagariye Umuryango w’Afurika Yunze Ubumwe (AU) kwinjira mu Ihuriro G20 kugira ngo igire sitati y’umunyamuryango ku buryo buhoraho. Muri iki gihe Afurika y’Epfo ni yo ifite umwanya muri iri tsinda ry’ibihugu, aho u Buhinde buzatangira kuriyobora 2023.

U Buhinde bukomeje guhihibikanira ko ibihugu bikiri mu nzira y’amajyambere byahagararirwa mu bigo mpuzamahanga nk’uko byagarutsweho na MIinisitiri w’Intebe w’u Buhinde, Narendra Modi kuri iki cyumweru akabona ko uretse Afurika y’Epfo iri muri iryo huriro n’ibindi bihugu byaba abanyamuryango ba G20.

Nyuma yo kwemerera  kwaguka itsinda rya Brics, Narendra Modi arashaka ko na G20 yaguka. Mu kiganiro gitambuka kuri radiyo buri cyumweru, Minisitiri w’Intebe yashimye kuba u Buhinde buzahabwa kuyobora G20, mu nama nkuru izabera i New Delhi ku itariki ya 9 Nzeri 2023.

Nk’uko byatangajwe n’umunyamakuru wa Radiyo mpuzamahanga y’u Bufaransa i Bangalore, Côme Bastin ngo Minisitiri w’Intebe w’u Buhinde Narendra yifatanyije na Perezida wa Leta Zunze Ubumwe z’Amerika Joe Biden n’uw’u Bufaransa Emmanuel Macron bahamagarira ko AU yibumbiyemo ibihugu by’Afurika bisaga 50 kuba abanyamuryango ba G20.

Ikigamijwe ni uguha ijambo ibihugu by’Afurika muri G20, benshi babona ko byiganjemo ibihugu bikize by’Uburengerazuba.

Minisitiri w’Ububanyi n’Amahanga w’u Buhinde, Subrahmanyam Jaishankar agira ati: “U Buhinde ntibushobora kwihanganira cyangwa kurebera imbere y’ibibazo byihutirwa byugarije ibihugu bikiri mu nzira y’amajyambere”.

Politiki yo gufungura, kwagura amarembo nayo irareba u Bushinwa, Narendra Modi yavuze ko nyuma ya Covid-19 ari ngombwa kubaka uruhererekane  rushya mpuzamahanga rw’ubuhahirane.

Ihuriro G20 rigizwe n’ibihugu 19 bikize cyane ku Isi n’Umuryango wunze ubumwe w’u Burayi.

NYIRANEZA JUDITH

  • Imvaho Nshya
  • Kanama 28, 2023
  • Hashize amezi 9
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE