Sitting Volleyball: U Rwanda rwatsinze umukino wa kabiri muri Shampiyona Nyafurika

  • SHEMA IVAN
  • Mutarama 31, 2024
  • Hashize amezi 4
Image

Ikipe y’Igihugu y’Abagore yatsinze iya Kenya amaseti 3-0 (25-12,25-10 ,25-17) mu mukino wa kabiri muri Shampiyona Nyafurika ya Sitting Volleyball.

Uyu mukino wa kabiri mu matsinda wabaye kuri uyu wa Gatatu tariki 31 Mutarama 2024, i Lagos muri Nigeria.
Ni umukino utagoye cyane abakinnyi b’u Rwanda kuko batsinze iseti ya mbere ku manota 25 kuri 12.

Mu ya kabiri Kenya yabaye nk’igiye hasi maze iyitsindwa ku manota 25 ku 10.
Ikipe y’Igihugu ya Kenya yagerageje gukina neza mu iseti ya gatatu, ari nako yifuzaga kuyegukana kugira ngo igire icyizere cyo gukomeza umukino. Ntabwo byayikundiye kuko nayo yayitsinzwe ku manota 25 kuri 17.

Umukino warangiye Ikipe y’Igihugu y’u Rwanda yatsinze iya Kenya amaseti 3-0 (25-12,25-10 ,25-17) yegukana intsinzi ya kabiri muri Shampiyona Nyafurika.

Mu mukino wa mbere, u Rwanda rwatsinze Nigeria amaseti 3-0.
Muri rusange, iri rushanwa ryitabiriwe n’ibihugu bine ari byo u Rwanda, Nigeria, Zimbabwe na Kenya bityo bikaba bizahura hagati yabyo.

U Rwanda kandi no mu bagabo rwatangiye neza iyi mikino rutsinda Algeria amaseti 3-0. Ni mu gihe iyi kipe izakina umukino wa kabiri na Libya.
Ibihugu bizasoza byegukanye iri rushanwa mu bagabo n’abagore bizahita bikatisha itike y’Imikino Paralempike izakinwa kuva tariki 29 Kanama kugeza ku wa 7 Nzeri i Paris.

  • SHEMA IVAN
  • Mutarama 31, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE