Ndayishimiye Eric ‘Bakame’ wari usigaje amasezerano y’umwaka umwe muri Rayon Sports nk’umutoza w’abanyezamu, yatandukanye na yo nyuma yo gusesa amasezerano.
Ni amakuru Imvaho Nshya yahamirijwe n’Umuvugizi wa Rayon Sports Gakwaya Olivier mu kiganiro kigufi yagiranye na we kuri uyu wa Mbere, tariki ya 29 Kamena 2026.
Ati: “Ni byo koko twamaze gutandukana na Ndayishimiye Eric ‘Bakame’ nyuma yo gusesa amasezerano y’umwaka umwe yari asigaje.”
Iki cyemezo kije nyuma yaho mu cyumweru gishize Rayon Sports yemeje ko yahaye akazi Umufaransa, Hugo Tricárico, kugira ngo ayibere umutoza w’abanyezamu, nyamara yari isanganywe Ndayishimiye Eric ‘Bakame’.
Bakame yageze muri Rayon Sports nk’umutoza muri Kamena 2025 avuye muri Bugesera FC. Yanakiniye iyi kipe kuva mu 2013 kugeza mu 2018, aho yatwaranye na yo ibikombe bibiri bya shampiyona ndetse akanayifasha kugera muri 1/4 cya CAF Confederation Cup.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE