Rayon Sports WFC yashyikirijwe igikombe cya shyampiyona yegukanye

  • SHEMA IVAN
  • Werurwe 30, 2024
  • Hashize ibyumweru 2
Image

Ikipe ya Rayon Sports y’Abagore yashyikirijwe igikombe cya shampiyona yegukanye uyu mwaka mu mukino w’umunsi wa nyuma wa shampiyona yatsinzemo Fatima WFC ibitego 5-0, bityo ishimangira gutwara igikombe giherekejwe n’intsinzi.

Uyu mukino wabaye Kuri uyu wa Gatandatu tariki 30 Werurwe 2024, mu Nzove aho Rayon sports isanzwe yakirira imikino yayo.

Ni umukino ikipe ya Rayon Sports yagiye gukina ihabwa amahirwe, aho bitayisabye iminota myinshi ngo igaragaze ko iri buze gushimisha abakunzi bayo bari bagerageje kuza ku bwinshi.

Ibitego bya Rayon Sports byatsinzwe na Mary Chavinda watsinzemo ibitego bibiri wenyine Nibagwire Libell, Uwitonze Nyirarukundo na Mukandayisenga Jeannine ‘Ka-Boy’.

Gikundiro yegukanye igikombe itsinzwe umukino umwe gusa.

Uyu ubaye umwaka wa kabiri Rayon Sports WFC yegukana igikombe nyuma y’uko uheruka yari yatwaye icyo mu cyiciro cya kabiri.

Usibye igikombe cya shampiyona Rayon Sports yahawe sheki ya miliyoni 15 z’amafaranga y’u Rwanda.

Iyi kipe yambara ubururu n’umweru iracyafite amahirwe no mu Gikombe cy’Amahoro kuko iheruka gutsinda APAER WFC igitego 1-0 muri 1/4 cy’Igikombe cy’Amahoro.

Rayon Sports WFC ni yo izahagararira u Rwanda mu mikino ya CAF Women’s Champions League Zonal qualifiers izabera muri Ethiopia.

Iyi mikino izatangira tariki 17 Kanama kugeza tariki 01 Nzeri 2024.

  • SHEMA IVAN
  • Werurwe 30, 2024
  • Hashize ibyumweru 2
TANGA IGITEKEREZO
Kanyemera says:
Werurwe 30, 2024 at 6:45 pm

Uyumunsi Abareyo Baduhaye Pasika
nziza
yaba
abagabo na bagore
Abareyoooooo…

Andika igitekerezo

AMATEGEKO AGENGA IYANDIKA RY'IGITEKEREZO CYAWE