Perezida Tshisekedi yatsindiye kuyobora RDC muri manda ya kabiri

  • KAMALIZA AGNES
  • Ukuboza 31, 2023
  • Hashize amezi 2
Image

Perezida Felix Antoine Tshisekedi Tshilombo, yatsindiye kuyobora Repubulika Iharanira Demokarasi ya Congo (RDC) muri manda ya kabiri n’amajwi 73.34% nk’uko byemejwe na Komisiyo y’Igihugu y’Amatora (CENI).

Amajwi y’agateganyo y’amatora yabaye ku wa 20 Ukuboza, yatangajwe kuri iki Cyumweru tariki ya 31 Ukuboza 2023 mu Murwa Mukuru Kinshasa, mu gihe amashyaka atavuga rumwe na Leta na sosiyete Sivile bikomeje gusaba ko amatora yasubirwamo kuko yagaragayemo uburiganya.

Komisiyo yigenga ishinzwe amatora muri RDCongo, yatangaje ko yagize amajwi angana na  73.34%, akurkirwa na Moise Katumbi wagize amajwi 18%, hakurikiraho Martin Fayulu wagize amajwi angana na 5%.

Adolphe Muzito yagize amajwi angana na 1.12%,  Denis Mukwege, umuganga wamenyekaniye cyane mu kuvura abagore bafashwe ku ngufu mu Burasirazuba bwa RDC we yagize amajwi ari munsoi uya 1%.

Aya matora yitabiriwe n’abasaga miliyoni 18 bangana na 40% by’abaturage bose bagejeje igihe cyo gutora, cyane ko ibice byinshi batitabiriye bitewe n’uko bari mu bice byibasiwe n’umutekano muke.

Ikinyamakuru Actualite kivuga ko Tshisekedi akurikirwa na Moise Katumbi wagize amajwi 325800 angana na 18,08%,Martin fayulu ni 960478  angana 5,33%, Denis Mukwege yagize 39000 angana na 1%

Kuri miliyoni 41700 z’abagombaga gutora, miliyoni 18 nibo bitabiriye amatora neza bangana na 43,25% by’abatoye bose.

Hagati aho abakandida icyenda biyamamazaga ku mwanya wa Perezida basohoye itangazo basaba ko habaho kwamagana uburiganya bwabaye mu matora

Abakandida biyamamaje ku mwanya w’Umukuru w’Igihugu barimo Floribert Anzuluni, Franck Diongo, Martin Fayulu, Moise Katumbi, Seth Kikuni, Augustin Matata, Denis Mukwege, Théodore Ngoy na Delly Sesanga batangaje ko habaye uburiganya mu matora.

Mu itangazo ryabo, bagaragaje ko babajwe cyane n’uburiganya bwagaragaye mu gihe cy’amatora.

Bagaragaje ko habayeho kurenga ku mategeko agenga amatora harimo “Gutora iminsi itandatu, kubangikanya ibiro by’itora no kuba imashini z’itora zaragenzurwaga n’abari mu ishyaka riri ku butegetsi ndetse n’ibindi byagaragayemo uburiganya.”

Bashimangiye ko banze byimazeyo amatora yo ku ya 20 kugeza ku ya 26 Ukuboza 2023 ndetse n’ibyavuyemo byose basaba ko hajyaho amatora mashya na komisiyo  ishinzwe amatora yigenga .

Basabye abaturage ba RDC kwigaragambya, bakamagana uburiganya bwabaye mu matora, bagasaba ko demokarasi n’itegeko nshinga ko byubahirizwa.

  • KAMALIZA AGNES
  • Ukuboza 31, 2023
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE