Nyambo n’umusore bitegura kurushinga basezeranye imbere y’amategeko

Nyambo Jesca uzwi cyane muri sinema nyarwanda,yasezeranye imbere y’amategeko n’umukunzi we, Uwiragiye Richard bitegura kurushinga.

Uyu muhango wabereye mu Murenge wa Nyarugenge, kuri uyu wa 30 Nyakanga 2026 witabirwa n’abarimo umuhanzikazi Bwiza, abakinnyi ba filime barimo Killaman, Rufonsina na Dr Nsabi, n’umunyarwenya akaba n’umunyamakuru Rusine Patrick n’umugore we.

Ku wa 23 Nyakanga 2026, ni bwo Uwiragiye Richard yateye ivi yambika impeta y’urukundo Nyambo, utarazuyaje ahita amwemerera kumubera umugore.

Kugeza ubu aba bombi ntibaratangaza itariki uyu muhango wo gusaba no gukwa, gusezerana imbere y’Imana ndetse no kwakira abatumiwe.