Nyamasheke: Ababyeyi barakekwaho kuboha umwana wabo bakamuta mu bwiherero

  • BAHUWIYONGERA SYLVESTRE
  • Werurwe 29, 2024
  • Hashize ibyumweru 3
Image

Ntiranyibagirwa Kayitani n’umugore we Uwimbabazi Dinah barakekwaho kuba bajugunye umwana wabo w’imfura w’imyaka 12 mu bwiherero ku bw’amahirwe agakurwamo n’abaturage akiri muzima.

Ntiranyibagirwa w’imyaka 38 arashakishwa n’inzego z’umutekano naho umugore we Uwimbabazi Dinah akaba yamaze gutabwa muri yombi, bakekwaho guhohohotera bikomeye umwana wabo w’imyaka 12 wiga mu wa 3 w’amashuri abanza, bakamuboha bakamuta mu bwiherero.

Byabereye mu Mudugudu wa Karambi, Akagari ka Karengera, Umurenge wa Kirimbi mu Karere ka Nyamasheke.

Umwe mu baturanyi babo yabwiye Imvaho Nshya ko, abo babyeyi bavugaga ko uriya mwana ngo yabananiye, aho gukora imirimo yo mu rugo avuye kwiga ahita azerera.

Imbarutso yo kumuhohotera bigeze aho nk’uko uyu muturage akomeza abivuga, ngo ku wa Kabiri tariki ya 27 Werurwe 2024, bamutumye ibiti byo gushingirira ibishyimbo, aho kubizana arizererera, nimugoroba aje bamuraza hanze, mugitondo babyutse bamubona hanze aho yaraye, se aramufata aramukubita, aranamuboha.

Yagize ati: “Yamubohesheje imyenda amaguru n’amaboko, amusiga aho atinyagambura ajya kwahira ubwatsi bw’amatungo, nyina aramufata aboshye gutyo amujugunya mu bwiherero bwa metero 9 bukoreshwa, ku bw’amahirwe akurwamo n’abaturanyi bahise babimenya, avamo agihumeka, ariko yangiritse cyane, kuko bari banamukomerekeje.

Avuga ko kumererwa nabi cyane umwana ngo yabitewe ahanini no kujugunywa gutyo ahareshya

hatyo,ariko cyane cyane umwanda wo mu bwiherero yamize ukamujya mu nda,akaba yahise ajyanwa ku kigo nderabuzima cya Karengera, ahavanwa ajyanwa ku bitaro bya Kibogora,aho

akomeje kwitabwaho n’abaganga, nyina atabwa muri yombi,se arabura.

Uyu muturage avuga ko ibikorwa bya kinyamaswa nk’ibi baherukaga kubyumva mu myaka ishize mu Murenge baturanye wa Karambi, aho nanone umugabo yafashe umwana we wigaga mu mashuri abanza, ibiganza bye akabirambika ku kimeza gishaje,akazana amababi y’intusi akayashyira heju akarasiraho umwambi w’ikibiriti agatwika, amuziza ko ngo yamwibye amafaranga.

Bavuga ko ababyeyi gito nk’abo baba bakwiye kubihanirwa by’intangarugero.

Umuyobozi w’Akarere ka Nyamasheke, Mupenzi Narcisse, yatangarije Imvaho Nshya ko byabaye, umugore akaba yafashwe, afungiye kuri Sitasiyo ya RIB ya Macuba, umugabo akaba agishakishwa.

Ati: “Ayo makuru ni yo, umwana yahohotewe bikabije n’ababyeyi be, kugeza nubwo bamuboshye

bakamujugunya mu bwiherero. Hahise haba operasiyo yo kubafata, umugore arafatwa umugabo aracika,a riko byanze bikunze na we agomba gufatwa bakaryozwa ubugome nk’ubwo bakoreye umwana bibyariye.’’

Yakomeje avuga ko guhohotera umwana bene ako kageni bitakwihanganirwa,ari icyaha, ibindi bizagaragazwa n’iperereza.

Yashimiye abaturage batabaye umwana bakamukura muri ubwo bwiherero akirimo umwuka n’abaganga bakomeje kumwitaho.

Yagiriye inama abaturage yo kwirinda imigirire mibi nk’iyo, n’ubonye ikiganisha cyose ku ihohoterwa ry’umwana akagitungira urutoki inzego zibishinzwe hakiri kare.

Uwo mwana ni imfura yabo mu bana 6 bafite.

  • BAHUWIYONGERA SYLVESTRE
  • Werurwe 29, 2024
  • Hashize ibyumweru 3
TANGA IGITEKEREZO
MTN MoMo says:
Werurwe 29, 2024 at 6:46 pm

Mbega Ababyeyibabagome Oyagose Uyumugore Wafashwe Ahanwe Kuko Ibibikorwayakoze Biteye Isoni Ariko Nuyumugabowe Ashakishwe Nawe Nafatwa Ahanwe Kuko Uwomwana Bamuteye Agahinda Wamwanawe Ihangane Warugiye Imana Ikinga Akaboko .

Bihoyiki Lowry Jackson says:
Werurwe 30, 2024 at 11:37 am

Mbega ababyeyi batagira umutima. Uyu mwana Nyagasani Yezu aracyamufiteho umugambi

Bihoyiki Lowry Jackson says:
Werurwe 30, 2024 at 11:37 am

Mbega ababyeyi batagira umutima. Uyu mwana Nyagasani Yezu aracyamufiteho umugambi

Bihoyiki Lowry Jackson says:
Werurwe 30, 2024 at 11:37 am

Mbega ababyeyi batagira umutima. Uyu mwana Nyagasani Yezu aracyamufiteho umugambi

Andika igitekerezo

AMATEGEKO AGENGA IYANDIKA RY'IGITEKEREZO CYAWE