NPC Rwanda: Hasojwe umwaka w’imikino  muri shampiyona eshatu

Mu mpera z’icyumweru gishize taliki 04 na 05 Kamena 2022 muri Komite y’imikino y’abantu bafite ubumuga mu Rwanda “NPC-Rwanda”  ni bwo basoje umwaka w’imikino  ahakinwe imikino ya nyuma muri shampiyona eshatu zirimo Boccia, imikino ngororamubiri na Wheelchair Basketball.

Mu mukino wa Boccia, nyuma y’imikino  ya nyuma, ikipe ya Musanze  mu bagabo n’abagore ni yo yegukanye umwanya wa mbere n’amanota 43, ikurikirwa na Rutsiro (35), Ruhango (31), Gisagara (29), Nyanza (28) na Gakenke (8).

Mu mikino ngororamubiri, Musanze ni yo yitwaye neza aho yegukanye imidali 31 harimo 16 ya zahabu, 12 ya Feza n’indi 3 y’Umuringa. Ku mwanya wa kabiri haje Rwamagana n’imidali 12, ku mwanya wa 3 haza Nyabihu yegukanye imidali 5.

Muri Wheelchair Basketball, mu bagabo  ikipe ya Musanze yegukanye igikombe aho yasoje ifite amanota 25. Yakurikiwe na  Bugesera (24), Gasabo (21), Eagles (13) na Gicumbi (12).

Mu cyiciro cy’abagore, ikipe ya Kicukiro ni yo yegukanye umwanya wa mbere n’igikombe.

Iyi mikino ya nyuma  yose yabereye kuri Sitade ya Bugesera.