Msgr Papias Musengamana yagizwe umushumba wa Diyosezi ya Byumba

Umushumba wa Kiliziya Gatulika ku Isi Papa Fransisiko, yagize Mgr Musengamana Papias Umwepiskopi wa Diyosezi ya Byumba, akaba yasimbuye Musenyeri Serviliyani Nzakamwita wagiye mu kiruhuko cy’izabukuru.

Mgr Musengamana, usanzwe ari Umuyobozi wa Seminari Nkuru ya Nyakibanda, akaba yaravukiye muri Paruwasi ya Byimana, muri Diyosezi ya Kabgayi, tariki 21 Kanama 1967.

Yize amashuri abanza i Mwendo (1974-1982), akomereza ayisumbuye mu Iseminari Nto ya Kabgayi (1982-1988). Seminari Nkuru yayize i Rutongo (1988-1989) akomereza Filozofiya i Kabgayi (1989-1991), naho Tewolojiya ayiga i Yawunde muri Kameruni (1991-1996).

Yahawe Ubupadiri tariki 18 Gicurasi 1997.