MIGEPROF yiyemeje kuziba ibyuho by’uburinganire biri mu nzego

  • ZIGAMA THEONESTE
  • Gashyantare 29, 2024
  • Hashize amezi 2
Image

Minisiteri y’Uburinganire n’Iterambere ry’Umuryango (MIGEPROF) iratangaza ko yizeye kuziba ibyuho by’uburinganire bikiri mu nzego zaba iza Leta n’abikorera.

Ibyo MIGEPROF yabigarutseho kuri uyu wa Kane tariki ya 29 Gashyantare 2024 ubwo yatangizaga igikorwa cyo gusakaza inyandiko ikubiyemo amabwiriza ngenderwaho mu kwinjiza ihame ry’uburinganire mu nzego zose za Leta, iz’abikorera n’imiryango itari iya Leta.

Ngayaboshya Silas, Umuyobozi Mukuru muri MIGEPROF ushinzwe uburinganire no kongerera abagore ubushobozi, yavuze ko gutangiza ibyo bikorwa ari ukugira abategura imishinga itandunye muri ibyo bigo babikore bimakaza uburinganire.

Yagize ati: “Iyo mirongo migari ikubiyemo mu by’ukuri intambwe eshanu buri rwego rushobora gukoresha, ruswa n’urwifata ifoto yerekana iti njyewe ndi hehe mu bijyanye no kubahiriza ihame ry’uburinganire,noneho  izo ntambwe zikanagena urugendo bagiye gukora mu gihe runaka.”

Uwo muyobozi avuga ko izi ngamba zo kwimakaza ihame ry’uburinganire zije gukemura ibibazo binyuranye  bibubangamiye.

Ati: “Icyuho ntabwo twavuga ngo ni umuntu ku giti cye, ahubwo n’aho  tugeze nk’igihugu  si ho twishimira ko ari ho twakagombye kuba turi, twemera ko hari ubusumbane bushingiye ku gitsina bugihari,  icyo dushaka ni ukugira ngo tugere ku buringanire busesuye.”

Bamwe mu bakora mu bigo bya Leta, iz’abikorera n’Imiryango Mpuzamahanga itari iya Leta bavuga ko guhabwa aya mabwiriza na MIGEPROF, bizabafasha kuziba ibyuho by’ubwuzuzanye bw’ibitsina byombi biri mu bigo byabyo.

Mwiseneza Julienne, Ushinzwe imishinga mu kigo gishizwe gukwirakwiza ingufu z’amashanyarazi (EDCL) yagize ati: “Ni byo koko ibyuho birahari, hari abagabo baruta abagore ariko hari ingamba zashyizweho muri iyi minsi kugira ingo icyo cyuho kigende kivaho. Aya mabwiriza ku ihame ry’uburinganire tubonye azatuma tubasha kugera ku ntego twiyemeje”.

Ibipimo by’Inama Mpuzamahanga yiga ku bukungu bw’Isi World Economy Forum, mu mwaka ushize wa 2023 byashyize u Rwanda, ku mwanya wa 2 muri Afurika mu kwimakaza ihame ry’Uburinganire bw’ibitsina byombi.

MIGEPROF ivuga ko hakomeje gushyirwamo imbaraga ngo bakomeze kuzamura urwego bariho.

Igihugu kiza ku mwanya wa mbere mu kwimakaza ihame ry’uburinganire muri Afurika ni Namibia.

Ni Igihugu cyaje imbere y’u Rwanda nyuma yo kuza kurwigiraho inshuro nyinshi uko cyanoza ihame ry’uburinganire.

  • ZIGAMA THEONESTE
  • Gashyantare 29, 2024
  • Hashize amezi 2
TANGA IGITEKEREZO
temp mail says:
Werurwe 1, 2024 at 3:52 am

Wonderful beat ! I wish to apprentice while you amend your web site, how could i subscribe for a blog web site? The account aided me a acceptable deal. I had been a little bit acquainted of this your broadcast provided bright clear idea

Andika igitekerezo

AMATEGEKO AGENGA IYANDIKA RY'IGITEKEREZO CYAWE