Menya indirimbo nshya ya Gahongayire n’uko Imana yamugize ubuhamya bugenda

  • Imvaho Nshya
  • Nzeri 27, 2023
  • Hashize amezi 2
Image

Umuhanzikazi Aline Gahongayire uzwi cyane mu ndirimbo zihimbaza Imana, yashyize hanze indirimbo nshya y’amashusho yise ‘Papa w’Ibyiza’.

Ni indirimbo yasohoye ejo ku wa Kabiri tariki 26 Nzeri 2023. Mu masaha 24 imaze ishyizwe hanze imaze kurebwa n’abantu ibihumbi 50, abasaga 300 bamaze kugira icyo bayivugaho, aho bagaragaje ko bayishimiye.

Nyuma yo gushyira hanze indirimbo ‘Papa w’Ibyiza’ yagize ati: “Imana ni Papa w’ibyiza, nta na kimwe inkorera mbona mu buryo busanzwe, ifite byose binyura ntacyo naburiye imbere yayo.

Imana irema ibihe yanabihindura, niko byangendekeye yarandemye impindura ubuhamya bugenda”.

Akomeza avuga ati: “Ntibyari byoroshye ariko nigishije amaso yanjye kureba ahakwiye mu bihe byose.

Nakuye amaso ku bimbabaza nyahanga Imana Papa w’ibyiza, kuva ubwo ibyangoraga mbyereka ubugari bw’Imana yanjye ari yo mubyeyi w’ibyiza”.

Gahongayire avuga ko buri wese agira ibimubabaza cyangwa ibyamubabaje n’ibirimo bimubabaza ku rugero yumva yabituza ahantu bikahuzura.

Ati: “Njye rero muri icyo gihugu cy’agahinda n’umubabaro, nahashinze ibendera ryo kunesha kubera ko Papa w’Ibyiza atajya ananirwa, nsohoka mu gutsikamirwa ninjira mu butsinzi, Amen ni ijambo rimfasha cyane rivuga ngo bibe uko”.

Aline Gahongayire agaragaza ko impamvu yatumye ahimba indirimbo ‘Papa w’Ibyiza’ ari ukubera ibihe bitoroshye, Isi yihuta, urwango rwafashe intera ndende mu iterambere hari abasigaye, hakaba hari byinshi byiza byuzuye imitego n’ibigeragezo.

Ahamya ko benshi bahanga amaso ibyo, rimwe na rimwe bakabona umuvuduko ari mwinshi bigatuma benshi basigara inyuma, bikabaviramo gufata ibyemezo bikomeye birimo kuyobya ubwenge, kwigomeka, agahinda kadashira, kwiyahura n’ibindi.

Agaragaza ko Bibiliya ari igitabo kirimo amahurizo n’ibisubizo ko ngo umuntu nabyibonamo bizamwibutsa ko Papa w’ibyiza akirema ibyiza. Aha ni ho yahereye ahimba indirimbo yashyize hanze.

Indirimbo ‘Papa w’ibyiza’ isohotse nyuma y’indirimbo ‘Zahabu’ imaze ukwezi igeze hanze.

Izi ndirimbo Ebyiri zakozwe mu buryo bw’amajwi na Producer Julesce mu gihe amashusho yatunganyijwe Meddy Saleh.

KAYITARE JEAN PAUL

  • Imvaho Nshya
  • Nzeri 27, 2023
  • Hashize amezi 2
TANGA IGITEKEREZO
on line pharmacy says:
Ukwakira 26, 2023 at 10:14 pm

Quality posts is the crucial to interest the viewers to visit the web page, that’s what this web page is providing.

Andika igitekerezo

AMATEGEKO AGENGA IYANDIKA RY'IGITEKEREZO CYAWE