Maroc yamaganye Imiryango Mpuzamahanga yirengagije ikibazo cya Gaza

  • Imvaho Nshya
  • Ugushyingo 3, 2023
  • Hashize amezi 4
Image

Minisiteri y’Ububanyi n’Amahanga ya Maroc yasohoye itangazo rigaragaza impungenge n’umujinya mwinshi kubera ikibazo cyo kubura ubutabazi gikomeje kuba ingutu mu karere ka Gaza.

Ku wa Kane tariki 2 Ugushyingo 2023, ni bwo iri tangazo ryagiye hanze rivuga ko ibikorwa by’Umuryango Mpuzamahanga ndetse n’Akanama k’Umuryango w’Abibumbye gashinzwe umutekano batubahiriza inshingano zabo.

Iri tangazo ryamaganye icyo ryise ibihugu bikomeye bidashobora guhagarika ikibazo gikomeye.

Riti: “Ibikorwa bya Isiraheli bivuguruza amategeko mpuzamahanga arengera ikiremwamuntu n’indangagaciro rusange za muntu”.

Minisiteri y’Ubuzima ya Gaza yo ivuga ko abantu barenga 9000, cyane cyane abasivili ndetse n’abana 3.760, biciwe mu karere ka Palesitine kuva ku ya 07 Ukwakira ibitero bya Hamas bigabwe kuri Isiraheli.

Abayobozi ba Isiraheli bavuze ko nibura abantu 1400, biganjemo abasivili, baguye muri ibyo bitero.

KAMALIZA AGNES

  • Imvaho Nshya
  • Ugushyingo 3, 2023
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE