Lionel Messi yahamagawe mu Ikipe ya Argentine

Ikipe y’Igihugu ya Argentine yatangaje urutonde rw’abakinnyi izifashisha mu gikombe cy’Isi gitegerejwe muri iyi mpeshyi. Kuri urwo rutonde, rugaragaraho Rutahizamu Lionel Messi umaze guhamagarwa inshuro Esheshatu mu bakinnyi bakina mu gikombe cy’Isi.

Abakunzi b’umupira w’amaguru cyane cyane aba Messi bishimiye cyane iki cyemezo cya Lionel Scaloni umutoza w’Ikipe y’Igihugu ya Argentine.

Mu bandi bahamagawe harimo n’abakina mu izamu nka Juan Musso ukinira Atlético Madrid, Gerónimo Rulli ukinira Olympique de Marseille yo mu Bufaransa, Emiliano Martínez ukinira Aston Villa F.C yo mu Bwongereza.

Muri ba myugariro, hahamagawe Leandro Balerdi ukinira Olympique de Marseille, Gonzalo Montiel ukinira River Plate, Lisandro Martínez wa Manchester United F.C, Cristian Romero ukinira Tottenham Hotspur F.C n’abandi..

Abakina hagati, harimo Alexis Mac Allister ukinira Liverpool F.C, Enzo Fernández ukinira Chelsea F.C n’abandi..

Abasatirizi iyi Kipe izaba yubakiyeho harimo, Lionel Messi ukinira Inter Miami CF, Julián Álvarez wa Atlético Madrid, Nicolás González wa Juventus FC, Thiago Almada wa Olympique Lyonnais, Giuliano Simeone ukinira Atlético Madrid, n’abandi..

Uru rutonde rusohotse mu gihe Rutahizamu Messi yari yagize imvune, ibyateye abakunzi ndetse n’ubuyobozi bw’Ikipe ya Argentine ubwoba, ko ishobora gukomera bigatuma adaherekeza abandi mu gikombe cy’Isi.

Ikipe y’Igihugu ya Argentina yitegura Igikombe cy’Isi cya 2026, aho izabanza gukina imikino ya gicuti n’ibihugu bya Honduras na Iceland. Argentina ifite igikombe giheruka, iri mu itsinda rimwe na Algeria, Austria na Jordan.

Uyu rutahizamu w’imyaka 38 amaze gukinira Argentina imikino 198, atsindamo ibitego 116, ibintu bituma akomeza kuba umwe mu bakinnyi bafite ibigwi bikomeye mu mateka y’umupira w’amaguru ku Isi.