Kimironko: Itorero Umuriro wa Pentekote ryafunzwe

  • Imvaho Nshya
  • Ukwakira 31, 2023
  • Hashize amezi 4
Image

Ubuyobozi bw’Umurenge wa Kimironko mu Karere ka Gasabo mu Mujyi wa Kigali, bumaze gutangariza Imvaho Nshya ko bwafunze Itorero Umuriro wa Pentekote by’agateganyo.

Ni igikorwa cyabaye kuri uyu wa Kabiri tariki 31 Ukwakira 2023, muri gahunda zo kugenzura ibikorwa by’amadini n’amatorero.

Umunyamabanga Nshingwabikorwa w’Umurenge wa Kimironko, Musasangohe Providence, yahamirije Imvaho Nshya ko icyatumye rufungwa by’agateganyo harebwe ku bintu byinshi birimo n’icy’uko rwemerewe gukora.

Amakuru Imvaho Nshya yashoboye kumenya, ni uko kimwe mu byatumye Itorero Umuriro wa Pentekote rifungwa, harimo kuba ritubahiriza amabwiriza yo kugenzura amajwi y’ibyuma asohoka mu rusengero.

Itorero Umuriro wa Pentekote riherutse kuvugwamo gucikamo ibice bibiri, kimwe kikaba cyaremeye kwikingiza no gukurikiza gahunda za Leta hakaba hari ikindi kidakozwa gukingiza abana no kuba batarikingije urukingo rwa Covid19.

KAYITARE JEAN PAUL

  • Imvaho Nshya
  • Ukwakira 31, 2023
  • Hashize amezi 4
TANGA IGITEKEREZO
Rwatubyaye says:
Ukwakira 31, 2023 at 5:31 pm

Birakwiriye ko reta yitacyane kubinubyamadini namatorero bikagira umurongo kumva ikicaro gikurukitorero kitujuje ibisabwa Kandi abapasiteri bajyenda mumajipe rwose ibibinu byitabweho abanubatange amaturo yabo basejyere nahanihujuje ibisabwa hasaneza.

Muhorakeye says:
Ukwakira 31, 2023 at 6:18 pm

Ibibazo byiritorero bimaze igihe bamwe banze kwikingiza abandi barikingiza abikingije baza kwitwa abagambanyi kuberako bubahirije ingamba zareta naho abatarikingije bavugako urukingo arinyamanswa barikubatera nyuma bagarutse bavuye ahobitaga mubihanamanga baza bavugako batsinze kuko ntawabakurikiranye batangira gushaka kwirukana abikingije

Umukristo says:
Ukwakira 31, 2023 at 9:35 pm

Uyu munyamakuru ntakajye abogama. Kuvuga ngo hari abadakingiza abana yabikuye he ko ari ibinyoma bisa? Ku byo kwikingiza COVID-19 nta kibazo kiri aho kuko nta bibazo by’inkigo za COVID-19 biriho ubu usibye abashaka amatiku. Havuzwe ibijyanye no kugenzura uko amajwi asohoka mu rusengero, icyo na cyo kirakemuka nta ngorane zirimo kandi n’ubusanzwe biragenzurwa kuko hariho na appareils zisanzwe zikoreshwa mu gupima imbaraga z’amajwi kandi hari sound proofs mu rusengero icyakora ibitanoze bizanozwa. Nta mpamvu rero zo kubeshyera abantu icyakora iyo Satani yasabirije abakristo Imana na yo ikemera ko bageragezwa ayo mashuri na yo dusanzwe tuyiga kandi kwihangana gutera kunesha, kunesha kugatera ibyiringiro kandi bene ibyo byiringiro ntibikoza isoni. Nta n’icyabuza ibisitaza kuza ariko ubizana azabona ishyano. Yesu ahe umugisha abihanganye.

Umukristo says:
Ukwakira 31, 2023 at 11:06 pm

Kuki mukuraho comments zacu ni ukubera iki kandi nta bitutsi cyangwa isebanya twashyizemo? Iki na cyo kigaragaza ibindi bintu.

Andika igitekerezo

AMATEGEKO AGENGA IYANDIKA RY'IGITEKEREZO CYAWE