Intara y’Iburasirazuba: Bugesera Fc yegukanye igikombe

  • Imvaho Nshya
  • Nyakanga 31, 2023
  • Hashize amezi 10
Image

Mu mikino yateguwe n’Intara y’Iburasirazuba hagamijwe gufasha amakipe kwitegura neza Shampiyona y’umupira w’amaguru y’umwaka wa 2023/2024, BUgesera Fc ni yo yegukanye igikombe.

Ku gicamunsi cyo kuri iki Cyumweru, Guverineri w’Intara y’Iburasirazuba C G Gasana Emmanuel, Abayobozi b’Uturere n’ababungirije bashinzwe imibereho myiza y’abaturage n’abandi bayobozi batandukanye bitabiriye imikino isoza irushanwa rihuza amakipe yo muri iyi Ntara ari mu cyiciro cya mbere muri shampiyona y’umupira w’amaguru.

Ni imikino yateguwe n’Intara y’Iburasirazuba yitezweho gutuma amakipe yitegura neza Shampiyona y’umupira w’amaguru y’umwaka wa 2023/2024 izatangira mu kwezi kwa 8/2023.

Igikombe cyegukanywe na Bugesera Fc itsinze Sunrise Fc kuri za Penaliti (Bugesera Fc 7- 6 Sunrise Fc), iminota isanzwe y’umukino yari yarangiye amakipe yombi anganya 0-0.

Ikipe ya Etoile de l’Est Fc yegukanye umwanya wa gatatu itsinze ikipe ya MuhaziUnited FC igitego 1 ku busa.

Yanditswe na NYIRANEZA JUDITH

  • Imvaho Nshya
  • Nyakanga 31, 2023
  • Hashize amezi 10
TANGA IGITEKEREZO
David says:
Kanama 8, 2023 at 4:37 pm

Muzaduheshe ishema basore bacu

Andika igitekerezo

AMATEGEKO AGENGA IYANDIKA RY'IGITEKEREZO CYAWE