Inshuti z’u Rwanda zishimishwa no kuvuga neza ikinyarwanda

  • KAYITARE JEAN PAUL
  • Gashyantare 28, 2024
  • Hashize amezi 2
Image

John Doldo IV uzwi ku izina rya Yohani cyangwa Kanyarwanda ni umukunzi w’ururimi rw’ikinyarwanda. Ni umunyamerika uba mu Rwanda kandi uvuga neza ikinyarwanda.

Mu kiganiro aherutse kugirana n’Ikigo cy’Igihugu cy’itangazamakuru (RBA), yavuze ko abanyarwanda ndetse n’inshuti z’u Rwanda bashimishwa no kuvuga ikinyarwanda.

Kuri we ururimi rw’ikinyarwanda ni rwiza kandi ntibigoye kukivuga.

Ati: “Ntibigoye kukivuga iyo wagize umuhate wo kugikunda, ukiyemeza kuzajya ugikoresha.”

Akomeza avuga ati: “Abanyarwanda bose n’inshuti z’u Rwanda dushimishijwe no kuvuga neza ikinyarwanda, tugikundishe n’inshuti z’u Rwanda kuko u Rwanda ruragendwa.”

Kanyarwanda nk’inshuti y’u Rwanda, atangaje ibi mu gihe kuri uyu wa Gatatu tariki 28 Gashyantare harimo hizihizwa umunsi mpuzamahanga ngaruka mwaka  w’ururimi kavukire ku nshuro ya 21.

Ni umunsi ufite insanganyamatsiko igira iti: “Tumenye Ikinyarwanda, ururimi rwacu ruduhuza.”

Inteko y’Umuco yavuze ko uyu munsi ari umwanya mwiza wo kurushaho kwita ku rurimi rw’Ikinyarwanda, gutekereza ku kamaro karwo bityo buri wese akiyemeza kurukoresha neza, mu byo avuga no mu byo yandika.

  • KAYITARE JEAN PAUL
  • Gashyantare 28, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE