Impamvu umugore wa Bob Marley yahisemo kuba muri Ghana

  • NTAWITONDA JEAN CLAUDE
  • Ukwakira 11, 2022
  • Hashize imyaka 2
Image

Umugore wa Bob Marley, Rita Marley, abaye muri Gana imyaka irenga 20, Mu myaka ya za 90, yimukiye muri Ghana we n’umuryango wa Bob Marley. Muri 2013, yasabye kandi abona ubwenegihugu bwa Ghana, ahabwa izina ryo muri Ghana rya Nana Afua Abodea.

Afite inzu i Aburi, muri Ghana, kandi Rita yashyizeho situdiyo yo kwibuka umugabo we nyakwigendera, Bob Marley mu murwa mukuru Accra. Iyi Situdiyo ye yitwa the One, akaba yarashinze kandi akayobora umuryango udaharanira inyungu, witwa “Rita Marley Foundation”, ushyigikira abagiraneza.

Nana Rita Marley yatangiye umwuga we wa muzika mu ntangiriro ya za 1960 nk’umuririmbyi hamwe n’itsinda ry’abagore ‘The Soulettes’.

Rita Marley yabyawe na Leroy Anderson na Cynthia “Beda” Jarrett muri Cuba, akurira i Trenchtown, muri Jamaica. Rita Marley afite abana 12, abuzukuru barenga 60 n’umwuzukuruza, hamwe n’umukobwa we mukuru, Sharon, uyu mukobwa bivugwa ko yashakanye n’Umunyagana.

Ntiyigeze yicuza kuba yarimukiye muri Ghana n’umuryango we mu myaka ya za 90 kandi agaragaza ko yishimiye amahitamo yagize. Rita Marley ati: “Ni ijuru.” Ati: “Ndacyibona nk’umunya Jamaica, ariko Afurika ni yo mizi yacu kandi buri gihe nari ntegereje ibyiza kuri uku kwimuka mva muri Jamaica nza muri Afurika.”

Ati: “Nijeriya isa na New York, ariko Ghana irasa cyane n’ibyo dutegereje. Afurika kuri njye.”

Mu rwego rwo kubahiriza uruhare rwe muri Ghana, yahawe pasiporo yo muri Ghana. Foundation ye y’abagiraneza muri Ghana ishyirirwaho ibikorwa bigamije iterambere rya Accra.

Afasha amashuri yo mu gace atuyemo, gusana inyubako z’ishuri zishaje no kubaka bundi bushya, ndetse no gutanga buruse no guha amafunguro abanyeshuri bo mu mashuri abanza kugira ngo imirire yabo ibe myiza.

  • NTAWITONDA JEAN CLAUDE
  • Ukwakira 11, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE