Igikombe cy’Amahoro 2022: Uko imikino ibanza ya 1/8 yagenze  

Musanze FC 0-0 Rayon Sports

Marine FC 0-1 Kiyovu Sports

La Jeunesse 2-2  Police FC

Gicumbi FC 0-0 Bugesera FC

Etincelles FC 2-2 AS Kigali

 Etoile de l’est FC 0-1 Mukura

Amagaju FC 0-1 APR FC

Gasogi United 1-1 Sunrise FC

Taliki 04 na 05 Mata 2022 hakinwe imikino ibanza  ya 1/8 mu gikombe cy’Amahoro 2022.

 Ikipe ya Rayon Sports yanganyije na Musanze FC 0-0, umukino wabereye kuri Sitade Ubworoherane i Musanze. Ikipe ya Kiyovu yageze ku mukino wa nyuma ubwo iri rushanwa riheruka muri 2019  yitwaye neza itsindira Marines FC i Rubavu igitego 1-0.

Kuri Sitade Mumena, ikipe ya  La Jeunesse FC yo mu cyiciro cya kabiri yanganyije na Police FC ibitego 2-2. Ikipe ya Gicumbi FC na Bugesera FC zanganyije 0-0 naho ikipe  ya AS Kigali ifite igikombe giheruka muri 2019 inganya na Etincelles FC ibitego 2-2.

Ikipe ya Mukura  yegukanye igikombe cy’Amahoro muri 2018 yatsindiye Etoile de l’est FC  i Ngoma igitego 1-0.  Ikipe ya APR FC yatsinze Amagaju FC igitego 1-0 naho Gasogi United  inganya na Sunrise FC igitego 1-1.

Imikino yo kwishyura biteganyijwe ko izaba taliki 19 na 20 Mata 2022.