Igihembo cy’ishimwe cyatumye Kibasumba agira umukoro utandukanye n’uwo yari afite

  • MUTETERAZINA SHIFAH
  • Werurwe 29, 2024
  • Hashize ibyumweru 2
Image

Umusizi Kibasumba Confiance wahawe igihembo cy’umusizikazi mwiza w’umwaka mu Rwanda, avuga ko nubwo amaze igihe kitari kinini mu busizi, ariko byamuhaye umukoro w’undi utandukanye n’uwo yari afite.

Ibirori byo gutanga ibyo ibihembo byateguwe n’Urugaga rw’Ubuhanzi Nserukarubuga (Rwanda Performing Arts Federation) byabereye mu Karere ka Huye, ku mugoroba w’itariki 27 Werurwe 2024, hagamijwe kwizihiza Umunsi Mpuzamahanga w’Ubusizi n’Ikinamico muri uyu mwaka.

Mu Kiganiro cyihariye yagiranye n’Imvaho Nshya, Kibasumba yayitangarije ko icyo gihembo cyamuhaye undi mukoro.

Yagize ati: “Ntahanye umukoro wo kudatenguha abakunda ubusizi ndetse n’ababonye ko nshoboye, undi mukoro ni ugukora cyane kandi nkakora ibirenze ibyo nakoze.”

Uyu mukobwa utaramara igihe cy’imyaka itatu akora ubusizi, avuga ko igihembo yatahanye cyatumye yiyumva nk’umusizi biruseho.

Ati: “Igusobanuro cy’iki gihembo ni uko cyangize umusizi nyawe, nakoraga ubusizi nkanjye ubwanjye, ariko ubu uwagendaga mu Rwanda agiye kugendana u Rwanda kubera ko ni bwo niyumvisemo ubusizi birenze uko nabukoraga.”

Kibasumba avuga ko byamurenze kwisanga mu marushanwa nabo yakuze yumva amazina mu busizi nka Carine, Murekatete na Dinah, biri mu byo yakunze kandi byamuteye imbaraga.

Ngo intsinzi ye ni iy’abakunzi b’ubusizi n’abamukunda muri rusange, abizeza ko ubu ari bwo agiye gukora cyane.

Ngo kimwe mu byamunyuze kandi bikamutungura ku gihembo yahawe ni uburyo gikozemo.

Ati: “Ikindi cyanshimishije ni ishusho ya Nyirarumaga umuntu usobanuye byinshi ku basizi n’ubusizi, nabikunze kuba mu gihembo nahawe harimo Ishusho ye.”

Akomeza agira ati: “Nabonye harimo amazina yanjye, handitseho umusizikazi w’umwaka, kandi n’umuryango ugiye kwakira intsinzi y’umwana wabo wabitangiye atazi iyo bigana bakabona ishusho nziza abigizemo, ni intsinzi kuri twese.”

Kibasumba Confiance ni umusizi utaramara igihe kinini mu busizi, afite ibisigo bigera kuri bitandatu bye wenyine, byiyongeraho ibindi yafatanyije n’abandi, byose hamwe bikaba 12.

Icyiciro cy’umusizikazi w’umwaka cyari gihataniwe n’abakobwa batandatu barimo Carine Maniraguha, Murekatete, Mediatrice, Dinah, Malayika na Kibasumba wabahize.

Kibasumba azwi cyane mu bisigo nka Ndarushye, Impano, Rukundo ndetse n’Impanuro yafatanyije na Rumaga.

Mu bandi bahanzi bahawe ibihembo nserukarubuga harimo Lufonsina uzwi muri Sinema Nyarwanda, Umunyarwenya Kadudu n’abandi.

  • MUTETERAZINA SHIFAH
  • Werurwe 29, 2024
  • Hashize ibyumweru 2
TANGA IGITEKEREZO
Instaflex Joint Review says:
Werurwe 29, 2024 at 8:22 pm

“Hello there! I recently noticed that you’ve taken the time to visit my website, and I wanted to express my heartfelt gratitude for your interest. Your support means a lot to me. In return, I would like to extend my support by visiting your website as well.

Iyamuremye ignace says:
Werurwe 30, 2024 at 7:45 am

Ndakubwiza ukuri uturimbere tukurinyuma twishimira uburyo ubikoramo ugahanga ubyubuvuzi ukiza beshi mwana wamama komera ukomeze niwowe we kaze neza mwana w pp n mm n Rwanda

Andika igitekerezo

AMATEGEKO AGENGA IYANDIKA RY'IGITEKEREZO CYAWE