Hateganyijwe imvura iri hasi y’ikigero cy’impuzandengo cy’isanzwe igwa

Ikigo cy’Igihugu cy’Ubumenyi bw’Ikirere (Meteo Rwanda) cyatangaje ko mu gice cya gatatu cy’ukwezi kwa Kanama 2026 (kuva tariki ya 21 kugeza ku ya 31), mu Rwanda hateganyijwe imvura iri hagati ya milimetero 4 na 45, ikaba iri ku kigero cy’impuzandengo y’imvura iri hasi y’isanzwe igwa muri iki gice.

Imvura iteganyijwe

Muri iki gihe, imvura iteganyijwe iri hagati ya milimetero 0 na 30, ikaba iri hasi y’ikigero cy’impuzandengo y’isanzwe igwa muri iki gice. Impuzandengo y’imvura isanzwe igwa iri hagati ya milimetero 4 na 45. Imvura iteganyijwe Imvura iri hagati ya milimetero 20 na 30, iteganyijwe mu majyaruguru y’Uturere twa Rubavu, Nyabihu na Musanze.

Imvura iri hagati ya milimetero 10 na 20 iteganyijwe mu Karere ka Burera, mu majyaruguru y’Uturere twa Gicumbi, Rulindo na Muhanga, mu bice byinshi by’Uturere twa Gakenke, Nyamagabe na Nyaruguru ndetse n’ahasigaye mu Ntara y’Iburengerazuba no mu Karere ka Musanze. Ahasigaye mu Gihugu hateganyijwe imvura iri hagati ya milimetero 5 na 10 uretse ibice byinshi by’Uturere twa Kayonza na Kirehe, no mu burasirazuba bw’Uturere twa Ngoma na Gatsibo hateganyijwe imvura iri munsi ya milimetero 5.

Muri iki gice mu Rwanda hateganyijwe ibihe by’izuba risanzwe ry’Impeshyi. Ubushyuhe bwo hejuru ku manywa buteganyijwe buri hagati ya dogere Selisiyusi 22 na 33, naho ubushyuhe bwo hasi nijoro buteganyijwe buri hagati ya dogere Selisiyusi 10 na 18.

Ubushyuhe buteganyijwe

Ubushyuhe buri hejuru gato y’ikigero cy’ubusanzwe buboneka mu gice cya gatatu cy’ukwezi kwa Kanama. Mu gice cya gatatu cy’ukwezi kwa Kanama, impuzandengo y’ubushyuhe bwo hejuru iri hagati ya dogere Selisiyusi 21 na 32, naho iy’ubushyuhe bwo hasi iri hagati ya dogere selisiyusi 9 na 17.

Ubushyuhe bwo hejuru bwinshi buri hagati ya dogere Selisiyusi 30 na 33, buteganyijwe mu burasirazuba bw’Uturere twa Nyagatare, Gatsibo, Kayonza na Bugesera, uburengerazuba bw’Akarere ka Ngoma, ndetse no mu kibaya cya Bugarama. Ubushyuhe bwo hejuru buke buri hagati ya dogere Selisiyusi 22 na 24, buteganyijwe mu bice byinshi by’Uturere twa Musanze, Nyabihu, Ngororero, Nyamagabe na Nyaruguru, amajyaruguru y’Akarere ka Burera, amajyepfo y’Akarere ka Karongi, ndetse no mu burasirazuba bw’Uturere twa Rusizi, Nyamasheke, Rutsiro na Rubavu.

Umuyaga uteganyijwe

Umuyaga uringaniye ushyira kuba mwinshi, ufite umuvuduko uri hagati ya metero 4 na 12 ku isegonda, uteganyijwe mu bice bitandukanye by’Igihugu.

Ubushyuhe bwo hasi buke buri hagati ya dogere Selisiyusi 10 na 12, buteganyijwe mu bice byinshi by’Uturere twa Nyabihu, Nyamagabe na Nyaruguru, amajyaruguru n’uburengerazuba by’Uturere twa Musanze na Ngororero, no mu burasirazuba bw’Uturere twa Rusizi, Nyamasheke, Rutsiro na Rubavu.

Ubushyuhe bwo hasi bwinshi buri hagati ya dogere Selisiyusi 16 na 18, buteganyijwe mu bice byo hagati n’iby’uburengerazuba by’Umujyi wa Kigali, henshi mu Turere twa Nyagatare na Gatsibo, uburasirazuba bw’Akarere ka Kayonza, amajyaruguru y’Akarere ka Kirehe ndetse no mu kibaya cya Bugarama.

Umuyaga mwinshi ufite umuvuduko uri hagati ya metero 8 na 12 ku isegonda uteganyijwe mu Karere ka Rutsiro uretse ibice bito by’uburengerazuba n’uburasirazuba bwako, Akarere ka Rubavu uretse uburengerazuba bwako, Akarere ka Karongi uretse mu burasirazuba bwako, uburasirazuba bw’Akarere ka Nyamasheke, igice gito cy’uburengerazuba bw’Uturere twa Ngororero na Nyabihu n’igice gito cy’amajyaruguru y’Akarere ka Nyamagabe.

Umuyaga uringaniye ushyira kuba mwinshi ufite umuvuduko uri hagati ya metero 6 na 8 ku isegonda uteganyijwe mu Turere twa Rusizi, Nyagatare na Kirehe, ibice bisigaye by’Uturere twa Rubavu, Rutsiro, Karongi, Nyamasheke na Nyamagabe, ibice byo hagati by’Uturere twa Nyabihu na Ngororero, ibice byinshi by’Uturere twa Nyaruguru, Huye, Nyanza, Ruhango, Musanze, Burera, Rulindo, Gakenke, Gicumbi, Gatsibo, Kayonza na Ngoma, amajyepfo y’Akarere ka Muhanga, kimwe n’uburengerazuba n’amajyaruguru by’Akarere ka Kamonyi. Ahasigaye mu Gihugu hateganyijwe umuyaga uringaniye ufite umuvuduko uri hagati ya metero 4 na 6 ku isegonda.

Bitewe n’umuyaga mwinshi uteganyijwe mu bice bitandukanye by’Igihugu, cyane cyane mu Turere twa Nyamasheke, Karongi, Rutsiro na Rubavu; Meteo Rwanda iragira inama Abaturarwanda gukomeza gufata ingamba zo kwirinda ingaruka zawuturukaho.

Ivomo: Meteo Rwanda