Handball: Polisi y’u Rwanda yatangiranye intsinzi mu mikino ya EAPCCO

Ikipe ya Police HC y’u Rwanda muri Handball yabonye intsinzi ya mbere mu mikino ya EAPCCO, aho yatsinze General Service Unit ya Kenya ibitego 39-29. 

Iyi mikino ihuza amakipe atandukanye ya Polisi zo mu Karere ka Afurika y’Iburasirazuba, izwi ku izina rya EAPCCO Games, iri kubera muri Ethiopia guhera tariki ya 27 Mata 2025.

Kuri uyu wa Kabiri, tariki ya 29 Mata 2025, Ikipe ya Polisi y’u Rwanda, Police HC, yakinnye umukino wayo wa mbere na General Service Unit y’igipolisi cya Kenya.

Ni umukino warangiye Police HC itsinze General Service Unit ibitego 39-29, wabereye ku kibuga cya Ethiopia Sports Academy i Addis Ababa

Aya marushanwa ya EAPCCO Games ari gukinwa ku nshuro ya gatanu aho mu 2023 yabereye mu Rwanda.

Ikipe ya Polisi y’u Rwanda, Police HC iyitabiriye ku nshuro ya kane ndetse yatwaye igikombe inshuro eshatu.