Handball: Ikipe y’u Rwanda yatangiye imikino y’Afurika itsindwa

  • Imvaho Nshya
  • Kanama 21, 2022
  • Hashize imyaka 2
Image

Rwanda 20-43 Angola

Taliki 21-08-2022

Misiri-Libiya (BK Arena-16h00)

Algeria-Congo Brazzaville (BK Arena-18h00)

Ikipe y’u Rwanda yatangiye itsindwa na Angola mu irushanwa ry’imikino y’Afurika mu batarengeje imyaka 20 mu mukino wa Handball “U-20 African Men’s Handball Championship Rwanda 2022”.

Uyu mukino w’umunsi wa mbere wabereye muri BK Arena, kuri uyu wa Gatandatu taliki 20 Kanama 2022. Ikipe y’u Rwanda yatsinzwe na Angola ibitego 43 kuri 20.

Uyu mukino wabanjirijwe n’ ibirori byo gufungura iri rushanwa ku mugaragaro.

Perezida w’ishyirahamwe ry’umukino wa Handball mu Rwanda “FERWAHAND”, Twahirwa Alfred yifurije ikaze abitabiriye iri rushanwa anizeza ko rizagenda neza.

Perezida wa FERWAHAND, Twahirwa Alfred

Dr Mensourou AREMOU, Perezida w’impuzamashyirahamwe y’umukino wa Handball muri Afurika “ CAHB” mu butumwa bwe yashimiye u Rwanda kuba rwaremeye kwakira iri rushanwa.

Akomeza avuga ko nyuma yo kwakirwa neza mu Rwanda ashimira by’umwihariko Perezida w’u Rwanda, Paul Kagame.

Perezida wa CAHB, Dr Mensourou yifurije amakipe yitabiriye kuzagira irushanwa ryiza no kwitwara neza.

Dr Mensourou AREMOU, Perezida wa CAHB

Umunyamabanga Uhoraho muri Minisiteri ya Siporo “MINISPORTS”, Shema Maboko Didier yashimiye CAHB ku cyizere yagiriye u Rwanda cyo kwakira  aya marushanwa yombi y’Afurika (U-20 na U-18) azanatanga itike yo kwitabira igikombe cy’Isi.

Yakomeje avuga ko kwakira amarushanwa nk’aya mpuzamahanga ari intego u Rwanda rwihaye yo  kuba igicumbi cya siporo mu kwakira amarushanwa ndetse n’ibindi bikorwa bya siporo.

Umunyamabanga Uhoraho muri MINISPORTS , Shema Maboko Didier

Nyuma y’umukino ufungura irushanwa, iyi mikino y’Afurika  irakomeza kuri iki Cyumweru taliki 21 Kanama 2022 aho mu itsinda B ikipe ya Misiri ikina na Libiya (16h00) naho Algeria ikine na Congo Brazzaville (18h00).

Ikipe y’u Rwanda izongera gukina ku wa mbere taliki 22 Kanama 2022 aho izahura na Maroc (19h00).

  • Imvaho Nshya
  • Kanama 21, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE