Gahongayire na Tonzi bagiye guhurira mu gitaramo

  • MUTETERAZINA SHIFAH
  • Gashyantare 29, 2024
  • Hashize amezi 2
Image

Aline gahongayire ukunzwe mu ndirimbo zo kuramya no guhimbaza Imana yahishuye ibyo amaze iminsi ahugiyemo, akomoza no ku gitaramo azahuriramo n’itsinda ryakunzwe ryitwa the Sisters rigizwe n’abarimo Phanny Wibabara, Tonzi, Gaby Kamanzi na Aline Gahongayire ryari rikumbuwe n’abatari bacye.

Aline yavuze ko kuba yari amaze iminsi atagaragara mu itangazamakuru, ari uko hari igihe umuntu aba agomba kugira igihe cyo kwiganiriza ubwe.

Ati: ”Hari igihe biba bikwiye, umubwiriza aravuga ngo buri ikintu cyose kigira umwanya wacyo, hari igihe umuntu aba akeneye umuntu, na we aba akeneye igihe cye kugira ngo bya bindi byose tuganira mu bitangazamakuru bitandukanye, nawe ugire igihe cyo kubyiganiriza, binafate muri wowe, rero nari mfite iyindi mirimo ndimo no gutegura ibindi.”

Akomeza asobanura iby’urugendo yari amazemo iminsi mu bihugu by’Uburayi, ko rwari rwiza kandi ashimira abo bahuriyemo bose kuko bamweretse urukundo.

Yagize ati: ”Rwari urugendo rwiza, ni urugendo ruri personal cyane cyane ko hari ibintu nari nagiye kwiga, ibyo nari ngiye kwiga rero byagenze neza, nabaye umunyeshuri w’umuhanga, nari ndimo kwimenyereza, kandi nayisoje amahoro, nabashije no guhura nabirabura bo mu bihugu bitandukanye duturanye ndetse n’Abanyarwanda n’abandi bose banzi ku mbugankoranyambaga zanjye, bangiriye umumaro barankunda, mbashimira kuba baratumye niyumva nkaho ndi mu rugo, kwa kundi bavuga ngo abanyaburayi nta mwanya bagira, njyewe barawumboneye Imana ibahe umugisha.”

Agaruka ku itsinda ahuriyemo n’abandi bahanzi bakunzwe mu ndirimbo zo kuramya no guhimbaza Imana ryitwa The Sisters avuga ko bateganya guhurira mu gitaramo bagashimisha ababakunda.

Ati: ”Iyo bavuze ubuhanzi numva ikintu kinini cyane, aho nzongera kwishimira guratamana na The sisters, kuri 31 Werurwe 2024 bizaba ari kuri Pasika, aho tuzaba dufatanya na Sister wacu Tonzi kumurika Album ye Respect, rero Imana niko ibyememeye ko mu gihe cya Respect the sisters yongera guhurira ku rubyiniro, hari abantu babitwishyuje kenshi bavuga bati ese nta n’indirimbo mufitanye? rero kuri 31 Werurwe nti muzabure, The Sisters tuzaba duhari.”

Aline yavuze ko afite indi mishinga arimo gutegura, harimo n’umuzingo arimo gutegura gushyira ahagaragara.

Agira ati: “Ndi muri studio maze iminsi nsohora indirimbo imwe imwe, ariko hari Album nshaka gusohorera icyarimwe, ndatekereza ko mu myaka yashize hari igihe navugaga ngo nzareka umuziki ariko aho bigeze keretse Imana ikuyeho ako kantu, ariko kuri njye ntabwo bigishobotse, ibyo dukora iyo ubona umuntu avuga ngo biramfasha, ni uko agomba kugira ijambo mu byo ukora, rero abankurikirana bazagira uruhare rwo kumpitiramo uko Album izitwa.”

Yongeraho ati: ”Si Alubum gusa, ahubwo uko Imana izajyenda imfasha, hari n’ibitaramo mu gihugu ndetse no hanze y’igihugu, kuko nabonye y’uko aricyo gihe, hari igihe umuntu avuga ngo kuki kare kose, cyera kose se, ariko ugasanga icyo gihe cyari kitaragera, ibitaramo mfite n’ibitaramo umuntu wese azagiramo uruhare, yaba mu Rwanda, Europe cyangwa Canada, uko Imana izajya ibidufasha.”

Avuga ko mu byafasha umuntu kunyurwa niyo yaba afite ibibazo, nibura aba agomba gushimira ko ari muzima, kuko hari ababa bari mu burwayi butandukanye, ku buryo hari n’igihe umuntu aba yananiwe no kuvuga, rero kuba umuntu ari muzima ko ari ikintu cyo gushima.”

Uyu muririmbyi w’indirimbo zo kuramya no guhimbaza Imana, amaze ibyuweru bigera kuri bibiri ashyize hanze indirimbo ye yitwa God of Miracles, uretse iyi ndirimbo. Aline azwiho indirimbo nyinshi zirimo Ubu Ndashima, Niyo yabikoze, Papa w’ibyiza n’izindi.

  • MUTETERAZINA SHIFAH
  • Gashyantare 29, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE