Comoros: Perezida wa Comoros yemeje ko ari we uzatsinda amatora

Comoros: Perezida wa Comoros yemeje ko ari we uzatsinda amatora

Perezida Azali Assoumani yatangaje ko ari we uzatsinda amatora ateganyijwe ku Cyumweru, ashobora kuzatuma ayobora manda ya kane mu gihe abatavuga rumwe n’ubutegetsi bamushinja ko yabacecekesheje.

Assoumani wabaye umuyobozi w’Umuryango w’Ubumwe bw’Afurika mu mwaka ushize, mu matora ahatanye n’abandi bakandida batanu.

Ibiro nytaramakuru by’Abongereza Reuters yatangaje ko abatavuga rumwe n’ubutegetsi bashinja komisiyo y’amatora gushyigikira ishyaka riri ku butegetsi gusa yo yarabihakanye ivuga ko amatora azaba mu mucyo.

Ni mu gihe indorerezi zo mu karere, harimo niz’Afurika Yunze Ubumwe zavuze ko mu matora ya 2019 hari ibitaragenze neza.

Umubare w’abaturage ba Comoros ntugera no kuri miliyoni ariko kuva yabona ubwigenge mu 1975 yagiye irangwa no guhirika ubutegetsi.

Perezida Azali Assoumani w’imyaka 65 nawe yahiritse ubutegetsi mu 1999, aza gutorwa mu 2022, ariko kuva yagera ku butegetsi Guverinoma ye ishinjwa gukandamiza abatavuga rumwe n’ubutegetsi.

Uwahoze ari Perezida Ahmed Abdallah Sambi yakatiwe igifungo cya burundu mu 2022, azira ubuhemu bukabije bujyanye na ruswa.

Imyigaragambyo y’abanyepolitiki yagiye iburizwamo inshuro nyinshi Guverinoma igatanga impamvu ko bashaka kubungabunga umutekano, gusa Perezida Assoumani ahakana ibyo gukandamiza abanyepolitiki batavuga rumwe kandi yemeje ko amatora azagenda neza.

Umuyobozi mukuru w’abatavuga rumwe n’ubutegetsi, Mohamed Ali Soilihi, uba mu buhungiro mu Bufaransa, yasabye ko hazabaho amatora anyuze mu mucyo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Amikoro make akomeje kudindiza imishinga ya ba rwiyemezamirimo bato 21 Ugushyingo 2026 Saa 07:04
  2. Hatangajwe inzira za Tour du Rwanda 2027 ifite umwihariko udasanzwe 20 Ugushyingo 2026 Saa 22:14
  3. Abafite imishinga myiza bahanganiye ibihembo bya Africa’s Business Heroes 20 Ugushyingo 2026 Saa 18:08
  4. Huye: Ibikorwa remezo by’imyidagaduro byafunguriye urubyiruko amahirwe i Mbazi 20 Ugushyingo 2026 Saa 17:04
  5. Afurika y’Epfo: Abagore hafi 600 bishwe mu mezi atatu gusa 20 Ugushyingo 2026 Saa 16:53