Kapiteni w’Ikipe y’Igihugu ‘Amavubi’, Bizimana Djihad yatandukanye na Al Ahli Tripoli SC yo muri Libya yari amaze umwaka akinira.
Byatangajwe na nyirubwite mu Ijoro ryo ku wa Gatanu, tariki ya 30 Mutarama 2025, ibinyujije ku mbuga nkoranyambaga ze, ashimira iyi kipe ibihe byiza yahagiriye.
Ati “Ndashaka gushimira buri wese muri iyi kipe ku mahirwe nahawe yo kuba umwe mu bayigize. Byari byiza kubana n’abakinnyi b’abahanga, abatoza ndetse n’abafana b’igitangaza.”
“Nshimira ubufasha mwampaye, amasomo, ubunararibonye nungutse mu gihe nari hano. Nifurije ikipe ibyiza mu gihe kizaza.”
Bizimana yageze muri iyi kipe avuye muri Kryvbas Kryvyi Rih yo mu Cyiciro cya Mbere muri Ukraine yari amazemo umwaka n’igice, asangayo mugenzi we w’Umunyarwanda, myugariro Manzi Thierry.
Muri uyu mwaka yari amaze yafashije
Al Ahli Tripoli kwegukana ibikombe bitatu, ari byo Shampiyona, Libyan Cup batwaye ku nshuro ya munani n’igikombe cya Libyan Super Cup.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE