Bishop Harerimana Jean Bosco n’umugore we barekuwe by’agateganyo

Urukiko rw’Ibanze rwa Kicukiro rwatangaje ko Bishop Harerimana Jean Bosco n’umugore we barekuwe by’agateganyo, batanze ingwate y’umutungo w’inzu ya miliyoni 60 Frw.

Ni ibyatangajwe nyuma y’uko abo bombi basomewe imyanzuro y’urukiko kuri uyu wa Kane tariki 31 Ukwakira 2024, mu rukiko rw’Ibanze rwa Kicukiro mu gihe baburanye tariki ya 30 Ukwakira 2024 urubanza rukaba rwarabereye mu muhezo.

Bombi bakurikiranyweho ibyaha bitatu birimo kwihesha ikintu cy’undi hakoreshejwe uburiganya, gukangisha gusebanya no gukwirakwiza amafoto y’imikoreshereze y’ibitsina.

Bishop Harerimana Jean Bosco n’umugore we Mukansengiyumva Jeanne batawe muri yombi tariki 9 Ukwakira 2024, bakaba bari bamazemo ibyumweru birenga bitatu.