Basketball: U Rwanda rwahawe kwakira AfroCan 2027

U Rwanda rwemejwe nk’igihugu kizakira imikino ya nyuma y’irushanwa ry’igikombe cya Afurika gihuza abakina imbere mu mugabane mu mukino wa Basketball, AfroCan 2027 iteganyijwe guhera tariki ya 2 kugeza ku wa 11 Nyakanga 2027 muri BK Arena.

Ni ku nshuro ya gatatu iri rushanwa rikinwa n’amakipe 12 rigiye kuba, aho ryaherukaga mu 2023 ubwo ryaberaga muri Angola. Icyo gihe Ikipe y’Igihugu y’u Rwanda yegukanye umwanya ya gatatu.

Irushanwa riheruka ryegukanwe na Maroc mbere y’aho Repubulika Iharanira Demokarasi ya Congo ni yo yatwaye igikombe mu 2019.