APR FC Yatsinze Sunrise FC mu mukino w’ikirarane ifata umwanya wa Mbere

  • SHEMA IVAN
  • Ugushyingo 29, 2023
  • Hashize amezi 6
Image

Igitego cya victor Mbaoma kuri penaliti gifashije APR FC gutsinda Sunrise FC igitego kimwe ku busa mu mukino w’ikirarane w’umunsi wa Gatanu utarabereye igihe kubera ko APR FC yari mu mikino ya CAF Champions League.

Uyu mukino wabaye kuri uyu wa Gatatu tariki 29 Ugushyingo 2023, kuri Sitade ya Nyagatare.
Mu mukino wari uryoheye ijisho amakipe yatangiye yatakana ku mpande zombi.

Muri minota 10 ibanza, amakipe yombi yakinnye acungira kuri Contre-Attaque kuri buri mupira abonye.
Ku munota wa 12′ APR FC yabonye uburyo rwo kubona igitego kuri koruneri yatewe na Bacca myugariro Yunussu ashyiraho umutwe, ujya hanze.

APR FC yongeye kubona andi mahirwe y’igitego ku mupira ndayishimiye Dieudonné yahinduye umupira mwiza mu rubuga rw’amahina, Umunyezamu Mfashingabo uwuhuriyeho na Mbaoma ntiyawufata neza.

Ku munota wa 41’sunrise FC yabonye amahirwe yo gutsinda igitego ku mupira Shema Frank yahawe hafi y’urubuga rw’amahina ateye ishoti rinyuze imbere y’izamu rya APR FC.

Igice cya Mbere kirarangiye amakipe yombi anganya ubusa ku busa.

Mu gice cya kabiri amakipe yombi yagarutse asatirana cyane buri umwe kurema uburyo bushobora kuvamo igitego.

Ku munota wa 65’ APR FC yabonye amahirwe y’igitego ku mupira watewe na Nshimirimana Isamel Pitchou Ashaka, Mbaoma na Clement, ukurwaho n’umuzamu wa Sunrise Mfashingabo Didier.

Ku munota wa 82’APR FC yabonye igitego cyatsizwe na rutahizamu w’umunya Nigeria Victor Mbaoma kuri penaliti kiba igitego cya munani muri Shampiyona,nyuma y’ikosa ryari rikorewe Mugisha Gilbert mu rubuga rw’amahina.

Mbere y’uko umukino urangira umusifuzi wa Kane Mukansanga Salima, yashyizeho iminota itanu y’inyongera.

Muri iyi minota Sunrise FC yangeraje gushaka igitego ariko ba myugariro ba APR FC ibihagaraho.
Umukino warangiye APR FC itsinze Sunrise FC igitego kimwe ku busa.

APR FC yahise ifata umwanya wa mbere ku rutonde rw’agatenganyo rwa shampiyona ku munsi wa 11 n’amanota 25 mu gihe na Sunrise FC yagumye ku mwanya wa 14 n’amanota 10.

  • SHEMA IVAN
  • Ugushyingo 29, 2023
  • Hashize amezi 6
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE